Labele Halo Diskriminasaun

Labele Halo Diskriminasaun

- in Politics
315
0
image002

Editoar: Carme Ximenes

DILI – Ministeriu Saude (MS) husu ba komunidade, atu labele halo diskriminasaun ba estudante bolseiru nain 17, neebe  fila ona mai Timor Leste, tanba sira livre husi virus Corona.

Dehan Diretora Jeral Prestasaun Servisu iha MS, Odete Viegas, liu husi konferensia imprensa, neebe halao iha Aeroportu Internasional Nicolau Lobato Dili, Sesta (21/02/2020).

Hau husu ba komunidade Timor oan sira hotu labele paniku, no labele halo diskriminasaun ba ita nia alin ka oan estudante nain 17 neebe agora fila ona mai TL, tanba husi mediku Nova Zelandia sertifika ona sira katak, livre husi moras virus Corona, dehan Odete.

Nia dehan, husi parte saude hakarak apela ba publiku katak, estudante Bolseiru nian 17 nia kondisaun saude halo tiha ona durante loron 14 iha karantina Nova Zelandia, molok atu desloka mai Timor.

Nia afirma tan katak, durante karantina iha kampaun Nova Zelandia, professional saude sira halao regular ceek ba sira loron ida dala 2 too loron 14, sira sai husi karentina desloka fali ba hotel molok sira halao viajen sai husi Nova Zelandia mai Indonezia, no desloka mai too Timor.

Ita nia estudante hirak nee sei entrega fila fali ba hela ho familia idak-idak nain, maibe MS sei kontinua akonpania no fo tratamentu ba sira bainhira iha nesesidade, nia hatete.

Diretora Jeral Prestasaun Servisu iha MS nee mos apela ba komunidade, atu labele paniku ho situasaun, tanba sira nia saude diak hotu.

Ita fo konfia ba iha governu Nova Zelandia, atraves husi Ministeiru Negosiu Estranjeiru ho Governu Timor Leste, tenik nia.

  Diretora nee reprezente Ministeiru Saude (MS) no Ministru/a Saude hakarak, hatoo agradese barak ba Embaxiador Nova Zelandia, tanba fo ona asistensia masimu ba estudante bolseiru nain 17 neebe, durante halo deslokasaun husi nasaun Xina Wuhan ba iha Nova Zelandia too ohin fila hikas mai Timor.

Nunee mos Embaixador Nova Zelandia iha TL,  Philip Hewitt hatete, estudante sira nee evakua ba Nova Zelandia iha loron 05 fulan Fevereiru 2020, no hela iha fatin karantina durante loron 14.

Governu Nova Zelandia kontente tebes ho apoiu neebe diak ba estudante sira, hahu lori sira husi Wuhan Xina ba fali Nova Zelandia too ikus lori fali sira mai too iha Timor Leste, ida nee mak signifika husi amigu sira halo ba malu, informa Embaixador nee.

Nia hatutan, Diplomata Nova Zelandia mos agradese ba governu Xina tanba, aseita ona pedidu Nova Zelandia nian hodi evakua estudante Timor oan husi sidade Wuhan.

Entretantu estudante, Nicodino da Cruz, hatoo agradese ba governu Timor Leste ho Governu Nova Zelandia tanba, ho kooperasaun neebe diak mak ohin konsege sira fila  mai hamutuk fali ho familia.

Ohin ami hamrik iha nee ho haksolok tanba, ami bele too fila fali mai ita nia rai no bele hasoru malu fali ho familia sira, espersa nia sentiment.

Nia afirma tan katak, hakarak mos hatoo ba publiku tomak katak, “Ami nain 17 liu ona husi karantina durante loron 14 nia laran, no ami nia nia situasaun nafatin normal.

Nia hakotu, tanba nee husu ba maluk komunidade sira hotu iha Timor, atu nafatin simu ami hanesan Timor oan.

Entretantu Estudante bolseiru nain 17 nee, kompostu husi mane nain 6 no feto nain 11.

Agradese Nova Zelandia

Nunee mos Sekretaiu Jeral MNEK, Jorge Neves da Costa  Camões  hatete, lori  Ministreriu Negosiu Estranjeiru no Estadu Timor Leste nia naran, hatoo apresiazaun no gartidaun ba Nova Zelandia,  neebe aseita  no evakua estudante Timor ona husi Xina mai Nova Zelandia.

Hau lori Ministeriu Negosiu Estranjeiru no Estadu Timor-Leste hatoo agradese ba Governu Nova Zelandia, tanba aseita pedidu  no offrese sira ia aviun, hodi  halo evakuasuan ba ita nia estudante, sai husi  Wuhan (Xina) mai Nova Zelandia no too ikus mai too ona iha Timor, dehan Jorge ba Jornalista sira, iha Aeroportu  Internasional Nicolau Lobato, Comoro, Dili, Sesta (21/02/2020).

Nia dehan, durante  loron 14 estudante sira  hela iha karantina Nova Zelandia, hetan  tratamentu mediaku loron loron no loron ikus, mediku Nova Zelandia sertifika estudante sira livre husi Virus Corona.

Ita nia estudante sira evakua husi Xina iha loron 5 Fevereiru  mai iha Nova Zelandia, no durante semana rua Nova Zelandia hetan akompanamentu husi Dotor sira Nova Zelandi,  maibe sira diak hotu no livre husi virus Corona, dehan nia.

Iha fatin hanesan Embaixador Nova Zelandia iha Timor-Leste, Philip Hewitt katak, nee hanesna previleizu boot ida, atu bele fo benvinda fila fali ba estudante sira, neebe mak fila fali husi Nova Zelandia.

Hanesan amigu ida nee mak,  ita ajuda ba malu, dehan nia.

Nia hatete, governu Nova Zelandia kontente tebes ekstende nia apoiu ba estudante Timor sira,  husi Xina ba Nova Zelandia no akompana sira, durante sira iha  Nova Zelandia.

Hau mos hatoo obrigadu ba komunidade Timor Leste  no mos estadu Timor Leste, nia apresiasaun ba governu Nova Zelandia no mos komentariu liu husi media sosial no agradesementu, neebe  mak sira hatoo ba governu Nova Zelandia, dehan nia.

Nunee mos Reprezentante Bolseru iha Xina Nicodemos da Cruz katak, mos agradese tebe ba governu Timor-Leste, Nova Zelandia no mos Xina, tanba sira nia kooperasaun neebe governu nasauan tolu nian, ohin loron sira bele fila hikas mai Timor Leste, hodi hamutuk fila fali familia.

“Ami hotu hotu haksolok tanba bele hamirik iha nee bele haree fila fali Timor no familia. Ami liu tiha tiha onaa karantina 14 dias neebe ami nia kondisaun normal, nunee mai husu ba sosiedade tomak simu ,atu nunee ami haamutuk fila ho sosiedade tomak hanesan  bain bain,” dehan nia. Rep:Luciana Ximenes/ESTI03.

Komentariu

Facebook Comments

Leave a Reply

Your email address will not be published. Required fields are marked *