Labele Gasta Osan Ba Veteranus Falsu

Labele Gasta Osan Ba Veteranus Falsu

- in Nasional
125
0
Cornelio Gama

DILI-Failansu husi Veteranus Ailaran halo, Veteranus falsu kontinua aumenta ba bebeik, no Veteranus falsu atu labele mosu tan maka, Rejiaun 1,2,3 no Rejiaun 4 tenke konese nia ema, atu nunee labele hasai osan estadu nian ba pagamentu veterabus falsu.

Kestaun nee fo sai husi Reprezentante povu iha uma fukun Parlamentu Nasional (PN), Deputadu Cornelio Gama (L7) ba STL, Kurta (24/07/2019) iha nia knar fatin Parlamentu Nasional.

“Hau hanoin veteranus falsu kontinua buras iha rai laran, sala nee husi Veteranus sira neebe mai kedan husi ai laran, tanba ami maka ladun kontrola ami nia ema sira ho diak, tanba nee matenek nain sira neebe hela iha sidade, falsifika dukumentu tanba sira mos atu hetan osan uituan, husi veteranus falsu sira nee, tan nee halo falsifikasaun dukumentus tanba atu hetan osan husi neeba, tan nee veteranus falsu kontinua aumenta,”dehan Veteranus L7.

Iha fatin hanesan Vise Prezidente Parlamentu Nasional, Luis Roberto hatutan, oras nee dadauk publiku kontinua kestiona konaba veteranus falsu neebe kontinua mosu iha rai laran, maibe VIII governu iha Sekretariu estadu asuntu Veteranus nian, iha kompetensia tomak hodi tun ba halo verifikasaun dadus iha baze, ema neebe maka veteranus lolos no ema neebe maka falsifika dukumentu, tan nee fo konfiansa tomak ba parte relevante atu buka solusaun.

Nunee mos Deputadu Jose Agostinho Sequera (Somotxo) hatutan, naran veteranus nee hanesan sagradu ida, tanba nee husu ba komisaun relevante atu kria ninia ekipa ida hodi halo verifikasaun dadus iha baze, ho nunee bele hatene ida neebe maka Veteranus no neebe maka laos veteranus. Madalena Horta

Komentariu

Facebook Comments

Leave a Reply

Your email address will not be published. Required fields are marked *