Labele Baku Membru F-FDTL

Labele Baku Membru F-FDTL

- in Krime
22
0
Lere1

Editora: Carme Ximenes

DILI Xefe Estadu Maior Jeneral F-FDTL, Major Jeneral Lere Anan Timur husu juventude Timor Leste evita aan, atu labele baku ou tula liman ba membru F-FDTL sira.

Tanba Jeneral Fitun Rua nee konsidera, ema neebe baku membru F-FDTL nee laiha moral. “O hatene hela nia nee, instituisaun militar nia ema, nusa tenke baku,” hatete Lere ba jornalista sira, iha Edifisiu Ministeriu Finansa Aitarak Laran, Dili, Segunda (6/1/2020).

Lere mos apela ba membru F-FDTL hotu-hotu tenke koloka aan hanesan instituisaun nia ema. Maski hatais sivil, tenke tau aan didiak. Iha publiku nia leet, labele aprende lanu no labele sadik ema arbiru.

Se imi baku membru F-FDTL banhira komandante ida bulak, bele haruka imi baku malu, tanba iha Timor Leste nee, ema ida sei latahan F-FDTL, maski sira kaer kilat, hatete Lere.

Iha fatin la hanesan Xefe suku Caikoli Hipolito Marques hatete,kona ba joven baku forsa nee hahalok ida neebe mak la diak, tanba bainhira nia hatais sivil mak sira baku nee laiha buat ida, maibe nia hatais farda mak baku deit ida nee krime.

Tanba sira mak ita nia mata dalan labele baku sira, ida nee hau hanesan autoriedade lokal hau la satisfaz ho hahalok nee, dehan nia.

Autoridade lokal nee husu ba parte ministeriu rua nee hanesan F-FDTL, atu haree didiak nunee ema hotu bele kumpri no nunee joven sira bele kumpri tuir forsa sira nia serbisu.

Ita labele halo hanesan nee, tanba ita ema ho ema mak oho malu ka tuda malu ou sona malu nee la diak, dehan nia.

Tanba nee nia dehan, governu da-8 bele kria lei neebe mak forte, nunee joven sira bele moris iha sira nia sosiedade ho hakmatek.

Entretantu Martinho Ximenes reprezenta joven senti hahalok neebe mak maluk seluk halo ba forsa nee ida nee la diak no krime, tanba forsa sira nee mak sai hanesan lutu ida ba ema hotu iha teritoriu Timor laran tomak.

Hau husu ba maluk joven sira, atu bele evita aan husi hahalok nee, dehan nia.

Nia apela ba joven sira diak liu hanoin mak futuru, tanba futuru importante liu ba iha moris aban bainrua, ho ida nee lalikan tan atu hanoin hahalok aat hirak nee. ESTI-05.  

Komentariu

Facebook Comments

Leave a Reply

Your email address will not be published. Required fields are marked *