Labarik Barak Partisipa Kampaina Elpar 2017

Labarik Barak Partisipa Kampaina Elpar 2017

- in Distritu
1494
0
pouzada

BAUCAU-Lei bandu labarik idade minoridade labele partisipa iha atividade partidu, hanesan kampaina parpol liuba nee. Komunidade Baucau Paulo Freitas dehan, tuir nia observasaun durante kampaina elpar 2017, nia haree labarik barak partisipa iha kampaina partidu sira. Ema lori labarik barak ba iha fatin kampaina.

Labarik balu lao ho inan, balu lao ho aman ba fatin kampaina hodi haree no rona kampaina partidu,” hateten Paulo Freitas iha Vila Nova Baucau, Kuarta (19/7/2017).

Nia hatene, lei bandu labarik sira labele involve aktividade partidu. Nia husu ba Komisariu Direitus Labarik tenke kria lei ruma ba labarik sira para labele involve ba iha atividade partidu.

Hau husu ba parte kompetente,Komisario Direitu ba Labarik, tenke kria lei ruma hodi evita labarik sira labele involve iha aktividade politika. Hanesan iha tempu kampaina partidu, inan aman sira labele lorilabarik sira ba iha fatin kampaina. I balu akompaina kampaina tabele iha kareta kotuk, balu tuur iha kapon kareta. Hau haree ida nee ladiak,” hateten Paulo Freitas.

Husi fatin lahanesan, Komisaria Direitu ba Labarik, Maria G. Barreto hateten, antes parpol sira halo kampaina, Komisaria Direitus ba Labarik halo advokasia makaas ba komunidade. Advokasia nee halo liu husi treinamentu noliu husi media (cetak no elektronika). Husu inan aman sira labele lorilabarik sir aba iha fatin kampaina.

Sira mos, halo konjunta ho PDHJ no STAE. Durante kampaina partidu, husu parpol sira labele fo dalan ba labarik sira involve iha tempu kampaina. Karik labarik sira ba iha kampaina partidu politiku, sira tenke evita. Tenke fo avizu ba sira, hodi proteje labarik sira iha fatin kampaina. Ida nee Komisariu fo hanoin ba sira nomos fahe stiker. Husu labarik sira labele involve iha tempu kampanha, lamobliza labarik sira tuir kampaina, kuidadu labarik iha fatin neebe seguru, no la abandona labarik iha escolar. Kestaun hirak nee, komisariu fahe ba partidu politiko sira, depois sira distribui tutan ba sira nia militantes. Maibe iha realidade, labarik sira involve nafatin iha kampaina partidu.

Desde hahu kampaina elpar 2017, dia 20 de Junho too remata, Komisaria Direitus ba Labarik observa katak, labarik barak tebes involve iha kampaina parpol sira. Bainhira sira intervista labarik no inan aman sira katak, sira hakarak partisipa tanba animasaun husi artista sira. Ida nee mak dada sira hodi partisipa iha kampaina, labarik balu ba fatin kampaina tanba mobiliza husi inan aman, familia no komunidade,” hateten Maria G. Barreto iha Salaun Komisaria Direitus ba Labarik iha Kaikoli Dili, Segunda (25/7/2017).

Durante kampaina parpol, sira haree labarik barak mak tuir kampaina hatais kamizola partidu, isin lolon pinta ho simbolu partidu.

Ida nee ami konsidera laos labarik nian hakarak maibe inan aman mak prepara atributu no pinta labarik sira para hola parte iha kampaina. Iha parte balu, iha labarik balu partisipa iha kampaina partidu tamba sira simpatia ba lidera nasional sira hanesan Xanana, Taur, Asanami”.

Ba problema ida nee, Komasariu Direitu Labarik fo apresia ba publiku nia observasaun katak, labarik barak involve iha kampaina partidu. Oinsa foti medidas no halo prevensaun ba labarik sira iha futuru, ida nee sai preokupasaun ba ema hotu. Ba oin, oinsa governu foti medidas ruma para halo lei ruma. Atu nunee, labarik sira labele involve iha kampaina parpol. Est-5

Facebook Comments

Leave a Reply

Your email address will not be published. Required fields are marked *