La Tempu Ona Trata Malu, Povu Kolen Ba Krize

La Tempu Ona Trata Malu, Povu Kolen Ba Krize

- in Nasional
256
0
rotunda

DILI– Tempu kampana atu hatoo programa ba iha povu, ho misaun no vizaun neebe iha, laos atu hatun malu, no provoka malu, tanba povu kolen ona ba krize no funu.

Kestaun nee hatoo husi Padre Urbanus Bunga Lolon SVD ba STL iha Soverdy Kuluhun, Dili, Kinta, (19/04/2018).

Tun ba kampana laos atu ba hatun ema seluk, ou trata ema seluk hodi provoka buat neebe maka mosu problema foun, tanba ita nee kolen ona ho krize, kolen ona ho funu malu. Lao ona tempu atu trata aat malu, no atu hatun malu maibe, tempu too atu hatoo ita nian vizaun no misaun diak, atu lori ita nian nasaun ba oin ho diak. Kuandu ita hatun malu nafatin, no provoka sitausaun ba malu, ida nee ita bele halo runranga, no ema seluk haree bele hamnasa. Tempu ona atu ita halo kompetisaun positive, atu bele harii ita nian nasaun ho ita nian kapasidade lao ba oin,” tenik nia.

Padre nee hatutan, Timor Leste agora dadaun prepara aan ba halo eleisaun antisipada, no partidu politiku sira tun ona ba halo kampana.

Iha fatin ketak Dekanu Fakuldade Saude, Martinus Nahak hatete, tuir presfektivu akademiku katak demokrasi nee ema hotu nian. Demokrasi nee oinsa maka bele ema hotu bele moris diak, moris diak nee liu husi programa partidu nian, neebe atu aprezenta ba iha povu idak-idak. Notisia kompletu lee iha jornal STL edisaun Sesta (20/04/2018). Emerenciana Pinto

Facebook Comments

Leave a Reply

Your email address will not be published. Required fields are marked *