La Iha Ema Ida Interven Servisu Tribunal

La Iha Ema Ida Interven Servisu Tribunal

- in Metro
98
0
TTD1

Dili- Relasiona ho servisu tribunal nian neebe lao dadaun, la iha ema ida maka bele intreven. Tanba hare ba iha konstituisaun artigu 69 iha orgaun haat, ida idak halao nia knar.

Tuir Prezidente Asosiasaun Majislatura Judisial Timor Leste Antonino Gonsalves katak, servisu tribunal nian la iha ema ida maka bele interven, bele interven liu husi dalan rekursu.

Iha konstituisaun artigu 69 hateten, iha separasaun poderes iha orgaun soberania haat, Prezidente Parlamentu Nasional Governu no Tribunal, hanesan orgaun independente. Iha separasaun poderes hau hanoin ita labele kahur, ida idak tenke halao nia knar, labele interven fali, ida idak nia servisu, ”dehan Antonino ba STL iha nia knar fatin Kaikoli Kinta, (21/02/2019).

Nia hatutan, tribunal iha nia estatutu rasik, neebe hateten katak tribunal halao nia servisu ho independente, ema seluk labele interven.

Nunee iha prinsipiu balu bele korden hanesan administrativu, maibe konaba tribunal nia servisu halo julgamentu, labele iha intervensaun politiku, selae bele kahur buat hotu.

Iha fatin ketak, akdemika UNTL Rafael Soares hateten, servisu tribunal nian laos hanesan servisu babain, maibe servisu neebe independente, tanba nee tenke hatudu nia kapasidade diak. . Notisia kompletu lee iha jornal STL edisaun Sesta (22/02/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *