La Halo Kafe, Laen Hanorin EM Ho Sinelus

La Halo Kafe, Laen Hanorin EM Ho Sinelus

- in Nasional
91
0
TTD1

DILI- Arguidu ho inisial NXS tenke ba hatan iha tribunal, tanba lori sinelus hanorin nia fen lezada ho inisial EM, tanba deit la halo kafe.

Konsekuensia husi arguidu nia hahalok nee, halo lezada sente moras iha kotuk laran. Arguidu hanesan autor material ba krime violensia domestika ho forma ofensa integridade fisika simples neebe previstu iha artigu 145 husi kodigu penal.

Hatan ba faktus nee, arguidu deklara katak, faktus neebe iha loos hotu.

Hau lori duni sinelus tuda ba lezada, tanba hader mai hau husu kafe, maibe nia haruka hau mak ba foti rasik fali. Problema mosu tiha, lezada la hela tiha iha uma, maibe liu tiha loron tolu, hau ba bolu fali lezada, hodi fila mai iha uma, ”deklara arguidu iha sala julgamentu TDD Segunda, (09/07/2018).

Arguidu deklara tan, arguidu arepende ba nia hahalok nee, tanba nee promete ba tribunal sei la halo tan hahalok hanesan nee iha futuru.

Audensia julgamentu nee, prezide husi juis singular Sribuana da Costa, Ministeriu Publiku reprezenta husi Prokurador Bartolomeo de Araujo, arguidu hetan asistensia legal husi advogadus estajiadus. Notisia kompletu lee iha jornal STL edisaun Tersa (10/07/2018). Terezinha De Deus

Facebook Comments

Leave a Reply

Your email address will not be published. Required fields are marked *