Kuatru Lejislatura, Lei CAC Prioridade

Kuatru Lejislatura, Lei CAC Prioridade

- in Politics
222
0
CAC

DILI–Diretor Ezekutivu FONGTIL,Arsenio Pereira Da Silva husu ba iha kuatru Lejislatura Parlamentu tenki halo diskusaun  kona ba Lei Komisaun Anti Korupsaun (CAC) atu bele fasilita no reforsa serbisu komisaun anti korupsaun.

Tuir nia katak iha lejislatura ida uluk kuandu iha proposta lei nianmai husi Komisaun Anti Korupsaun(CAC), laiha diskusaun no laiha aprova lei ida CAC signifika katak gado-gado.

Tanba nee, hein lejislatura ida governu foun agora nee tenki atu halo protesaun no loke fali lei nee hodi bele halo diskusaun iha Parlamentu Nasional.

Lei Komisaun Anti Korupsaun nee iha parte ida hodi halo kontrolasaun neebe ita dehan korupsaun nee barak maibe ita nunka iha faktus balun neebe iha hodi indika ida nee korupsaun, maibe iha balun mos iha korupsaun neebe ita bele dehan ida, rua hanesan nee mak iha,”dehan Diretor Executivu ba Jornalista STL, iha Tersa (12/09/2017) iha fatin Fontil, Caicoli Dili.

Nia hatutan sekarik balun iha duni komete ba iha korupsaun, entaun ita atu halo julga ba sira tuir lei neebe mak iha ona.Maibe,durante nee ita hare lei komisaun anti korupsaun ladun fo sira nia servisu hodi halao knar atu hodi identifika se se mak kaer ona no se se mak sei iha lista.No mos ita rona ema barak dehan Ministeriu sira balun iha korupsaun iha realidade komisaun anti korupsaun ladun deklara no esklarese sai ba publiku.

Iha fatin ketak tuir jurista Manuel Tilman katak atu prevene ema atu riku matak komisaun anti korupsaun tenki book aan,agora anti korupsaun atu book aan tenki iha lei ida tulun komisaun  anti korupsaun, se lae komisaun  anti korupsaun lao la diak.

Komisaun Anti Korupsaun laos Ministeriu Publiku maibe sai komisaun investiga deit submete ba iha Ministeriu Publiku no Ministeriu Publiku mak akuza no komisaun servisu didiak bazeia ba lei Ministeriu Publiku tenki simu, se lae Ministeriu Publiku majistradu idaneebe lasimu nee mos ba para iha kadeia hotu.

Nia hatutan lei neebe iha atu haforsa serbisu Komisaun Anti Korupsaun nian, neebe agora dadaun seidauk aprova husi parlamentu nasional iha prinsipiu rua hanesan obras ida halo tiha akordu ho governu maka la lao fali no ema nee sai riku fali,osan ba obras nia mak emprejariu lori fali nee krime no korupsaun.

Nunee Ministru idaneebe fo osan ba emprejariu atu halo obra hanesan halo ponte no ikus be tun mai lori tiha ponte, nee tenki tama iha kadeia la presija prova tan,ida nee mak tau iha lei anti korupsaun neebe too agora parlamentu seidauk aprova atu bele tulun komisaun sira.

Eis deputadu nee hatutan, se ema ida manan salariu 300,derepenti nia bele iha uma andar rua tolu,iha kareta tolu tanba nia diretor,nee presija hare no bolu sinal de riqueza sem causa, sira nee mak tama hotu iha lei anti korupsaaun neebe too agora dadaun seidauk aprova.

Entretantu tuir Estudante FCS UNTL Rogerio Pereira Carceres hatutan katak Parlamentu tenki aprova lei anti korupsaun, atu nunee bele tulun komisaun sira halo servisu sira ho diak, lei komisaun anti korupsaun nee inportante atu bele hoforsa no tulun komisaun anti korupsaun, atu bele hodi halao servisu neebe mak diak no bele reforsa diak liu tan. Estajiada UNTL 4.*

Facebook Comments

Leave a Reply

Your email address will not be published. Required fields are marked *