Kualidade Edukasaun Seidauk Atinji Diak

Kualidade Edukasaun Seidauk Atinji Diak

- in Edukasaun
175
0
Edukasaun

DILI – Atu rezolve kualidade edukasaun iha Timor Leste (TL), presiza ema hotu nia kontribuisaun maximu, tanba too agora kualidade edukasaun seidauk atinji diak.

Tuir Diretor edukasaun enkluzivu iha ME, Jose Monteiro katak, atu rezolve problema kualidade edukasaun nee ema hotu presiza halo servisu makaas liu tan, dala ruma koalia konaba kualidade edukasaun, servisu ida neebe mak difisil, maibe atu atinji nee, presiza ema hotu-hotu nia kontribuisaun.

Kualidade edukasaun nee mak  hanesan presiza  halo servisu  makaas liu tan, tanba dala ruma ita koalia konaba kualidade edukasaun, servisu ida neebe mak difisil, maibe atu atinji nee, presiza ema hotu-hotu ninia kontribuisaun, tanba ita haree husi kualidade hanorin, kontrola, monitorizasaun, no planu, buat sira nee hotu mak ita bele atinji kualidade, neebe  haul abele dehan, kualidade seidauk atinji, maibe uituan ita lao ona, maibe seidauk too  nia target neebe  ita hakarak, tanba nee, ba oin ita presiza aumenta diak liu tan,” dehan Jose ba STL  iha edifisiu ME Vila-Verde  Dili Kuarta (09/08/2017).

Iha parte seluk, Prezidente komisaun F neebe mak trata asuntu edukasaun, saude, igualidade jeneru, no veteranus iha PN, deputadu Virgilio Hornai hatete, kualidade edukasaun nee, presiza haree ba iha kualidade professor sira, oinsa hanorin estudante sira iha eskola.

Professor sira neebe mak hanorin, tenke mai ho sira nia background neebe mak iha, hanesan professor nee mai ho ninia background mate-matika, tenke hanorin ho matematika, laos mai ho background ida nee, hanorin fali ho materia seluk. Jacinta Sequeira

Facebook Comments

Leave a Reply

Your email address will not be published. Required fields are marked *