KS Becora Simu Kualker Parpol

KS Becora Simu Kualker Parpol

- in Metro
586
0
setp_halao_senseblizasaun_ba_komunidade_iha_uatolari_2

DILI-Konselu Suku (KS) Becora, Posto Administrative Cristo Rei, Munisipio Dili, simu partidu neebe deit bainhira halo kampanha iha area Suku Becora, importante kria establidade iha suku laran.

Maske nunee, antes halo kampanha persiza hatoo uluk karta kuinesementu ruma husi partidu ba KS Becora, atu nunee antisipa labele mosu kampanha partidu id aka rua iha loron ida.

Tuir Xefe Suku Becora Antonio da Silva Soares katak, oras nee dadaun Konselu do Suku Becora, halo ona  avizu ba komunidade sira katak uainhira halao festa demokrasia iha dia 22 Juli hotu-hotu bele ba vota tuir ida-idak nian konsensia.

Maibe ba kamapnia, antes halao kampanha iha dia 20 Junho aban sira mos koalia ona ho CNE, karik iha partidu politiku balun neebe halo kampanha iha sira nian suku.

Persiza iha karta ruma atu nunee partidu ida-idak halo kampanha iha suku laran labele partidu rua-tolu halo iha loron no oras hanesan, atu nunee evita problema.

Tanba nee, nuudar autoridade suku koalia ona ho CNE karik partidu politiku neebe halo kampanha iha Suku Becora antes nee hatoo uluk  karta kampanha, atu nunee membro konselu suku bele fohatene ba komunidade sira katak partidu husi A mai halo kampanha iha loron ida nee.

Sekuandu laiha karta ruma, partidu politiku sira mai kampanha bele hatun malu no hamosu konflitu iha suku laran. Tanba nee, antes atu tama mai Suku Becora persiza fo karta ruma, atu nunee partidu ruma mai halo kampanha. Karik iha partidu politiku balun mai tan karik konselu do suku bele atende katak labele, tanba oras nee dadaun partidu ida nee sei halo kampanha hela hein fali ba aban.

Ami koalia ona ho CNE besik eleisaun kampanha fo naran ou relatorio mai para suku mos hatene,” katak Antonio ba STL, Tersa (13/6/2017) iha Sede Suku Becora.

Nia garante katak seguransa iha Suku Becora sei lao hakmatek, tanba nia koinese malu diak ho komunidade sira. Tanba nian sai Xefe Suku Becora ba periode tolu ona. Dala barak problem mosu nee uainhira partidu politiku sira mai halo kampanha mak hamosu problema, problema mosu tanba partidu politiku sira mai halo kampanha iha suku laran kuandu mai mak rua hamutuk entau bele hamosu problema iha bairru laran.

Hau nian lia menon ba joven Suku Becora mak nee, uainhira tuir kampanha hotu-hotu bele tuir maibe labele halo provokasaun. Joven sira diak liu hanoin deit ba escola atu nunee ba futuru bele kaer nasaun. Tanba nasaun nee persiza ema neebe matenek mak ukun,”katak Antoni.

Nia husu ba partidu politiku neebe mai halo kampanha Konselu Suku Becora prontu atu simu sira halo kampanha iha suku.

Iha fatin hanesan Santiago Maria Lobato nuudar Xefe Aldeia Darlau hateten, suku nee rasik pronto ona atu partisipa iha Eleisaun Parlamentar.

Maibe hakarak Polin Staf husi sentro votasaun ida labele ba fali fatin seluk, tanba nee husu ba ulun sira karik ba hili diak liu hili duni ema neebe iha aldeia ou suku refere atu nunee bele hatene ou organiza iha neeba.

Hau sente seguransa iha Aldeia laran normal tanba ami nian aldeia dok husi sidade, tanba nee ami senti seguru ba ami nee aman, haktuir,” tenik Maria.

Iha sorin seluk Ferlio Deodato nudar Xefi Aldeia Caqueo-Laran hateten sira nia preparasaun nee positivu, konaba kampanha nee kada partidu tenki fahe jadwal, atu nunee keta kria problema iha suku refere, tanba nee oras nee dadaun sira prepara ona formatu ida entrega ona ba STAE, sira lahatene dezisaun nee bainhira mak passa ba suku nee rasik,

“Ami garante iha Suku Becora 100% lao ho normal, soke preokupa mak tanba oras nee dadaun komunidade sira halo eleitoral husi fatin ida muda ba fati ida. Hanesan agora dadaun iha komunidade balun neebe muda fali mai Suku Becora ida nee halo atrajado ba ami,” katak nian. *Est5

Facebook Comments

Leave a Reply

Your email address will not be published. Required fields are marked *