Kria Rezolusaun Ba Juiz Internasional

Kria Rezolusaun Ba Juiz Internasional

- in Krime
122
0
CENTRO_E_FORMACAO_JURIDICA_07

DILI- Juiz internasional agora dadaun iha Timor, sira la halao julgamentu. Sira halao deit inspesaun ba Juiz Timor oan sira, maibe sira apoiu nafatin Juiz Timor oan iha tribunal, tanba nee presija kria fali rezolusaun ida.

Uluk parlamentu sira mak hasai rezolusaun ida, hodi haruka fila Juiz internasional, se hakarak sira mai apoiu nafatin ita, halo fali rezolusaun ida no husu deskulpa ba ita nia belun CPLP sira neebe uluk mai tulun hela ita. Ohin loron Juiz internasional sira iha ona Timor, maibe sira mai Timor atu halo inspesaun avaliasaun para ita nia Juiz para bele hetan promosaun, la halo julgamentu,” hateten Advogadu Privadu Manuel Tilman ba Jornalista sira iha nia knar fatin Pantai Kelapa, Tersa, (12/09/2017).

Nia afirma, Juiz barak too agora sei iha terseira klase hela, balu iha tinan neen no lima ona, no prokurador da republika mos balu agora sei iha terseira klase hela, maibe atu sae iha kareira tenke iha avaliasaun ida, no tenke iha inspesaun ida atu bele haree sira nia valor nee diak husi avaliasaun nee mak bele sae.

Sei halo uluk ba Juiz iha segunda klase ba tiha primera klase, no terseira kalse bele sae ba iha segunda. Nunee apoiu nafatin parlamentu nasional atu bele hasae rezolusaun hodi bolu Juiz internasional mai, hodi tau buat ida idak iha nia fatin.

Nia dehan, atu rekopera Juiz internasional sira nee kestaun politika. Parlametu ho ministeriu negosiu estranjeiru mak sei negosia ida nee, depois mak ho tribunais liu husi konselu superior de majislatura judisial no konselu superior majislatura do ministeriu publiku. No orgaun rua nee mak superentende majislatura publiku ba prokuradores sira, no majislatura judicial ba Juiz sira kombina hamutuk ho ministeriu da justisa atu bele haree ba ida nee.

Iha fatin seluk, Diretora Centro Formasaun Juridical CFJ, Marcelina Tilman Da Silva hateten, Juiz internasional sira la halo julgamentu maibe, Juiz internasional sira neebe mai husi Portugal sai hanesan formador atu fo formasaun ba formaandos neebe sei kompete ba iha kareira Juiz, defensoria publika no prokurador.

Formador neebe fo formasaun iha nee, mai husi portugal iha Juiz internasional nain rua mak fo formasaun ba majistradu sira, no mos husi Brazil defensoria publiku jeral internasional nia nain rua, mak fo apoiu ba centru formasaun juridiku atu fo formasun ba advogadu no majistradu sira, maibe sira la apoiu ba servisu julgamentu nia iha tribunal, ”dehan Marcelina.

Iha mos iha advogadu internasional ida neebe fo formasaun ba advogadu privadu sira, no iha mos profesor lingua Portuguesa internasional 6 fo formasaun lingua Portuguesa.  No apoiu husi sira nia,  atu bele hasae kapasidade ba formandos sira nia. Terezinha De Deus

Facebook Comments

Leave a Reply

Your email address will not be published. Required fields are marked *