Kria Kondisaun Ba Juiz

Kria Kondisaun Ba Juiz

- in Krime
210
0
CENTRO_E_FORMACAO_JURIDICA_07

DILI- Servisu neebe diak presija mos fasilidade neebe diak, tanba nee presija kria kondisaun no fasilidade ba juiz sira, atu bele halao servisu ho diak iha area justisa nian.

Tuir finalista UNTL FCS, Vidal Noronha katak, tau importansia mos ba orgaun justisa sira, hanesan juiz defensoria ministeriu publiku, tanba sira mak halao knar hodi julga ema neebe envolve iha krime. Maibe atu halao knar sira nee, tau mos atensaun ba sira iha fasilidade no kondisaun ba fatin neebe sira halao servisu ba.

Presija haree ba kondisaun laos fatin deit, tau mos atensaun ba sira iha fasilidade hanesan transporte, tanba atu halao servisu ida presija iha fasilidade ruma. Ho presija sira nee hotu, bele apoiu ona sira atu halao knar neebe iha,” esplika Vidal ba STL.

Nia relata tan, governu foun tau matan ba seitor justisa nian, apoiu sira atu halo servisu ho professional. Nunee bele detekta lolos ema neebe halo sala, no foti desijaun ba kazu ruma tuir dalan no lei neebe iha.

Antes nee, Membru Suplente Konsellu Superior Da Defensoria Publiku Cansio Xavier hateten, governu neebe sei mai ukun, haree mos ba iha area justisa nian. Oinsa bele halo balansu ba servisu hotu, neebe lao hela iha orgaun independente nee nia laran.

Buat ida dehan dezenvolvimentu sustentabel nee, politika nee lao nafatin, hakarak atu hateten labele kria estatu kua atu haree ami nia kondisaun nafatin nunee. Ami hakarak atu hatene, ami tau konfiansa ba politiko nain sira neebe governa, la prekupa se mak ukun, hakarak deit dehan ida neebe governa haree asuntu iha area justisa nian, tau balansu nee hanesan,” hateten Cancio.

Nia informa, ho servisu neebe sira halao, seidauk iha kondisaun neebe diak liu hanesan fatin no mos transporte. Tanba  nee bainhira halao julgamentu movel, sira neebe la iha transporte labele ba.

Alende nee, Direktor JSMP Luis Oliveira Sampaio hateten, peskija no relatoriu neebe sira lansa iha 2014, sira iha presepsaun hanesan ba fasilidade majislatura sira juiz prokurador sira. Tanba nee iha momentu neeba kedan rekomenda ona, atu fo kondisaun servisu ba majislatura juiz defensor no prokurador sira no ministeriu publiku liu liu ba fasilidade transporte nee, ajuda sira atu bele servisu iha situasaun neebe mak seguru. No fasilidade neebe iha, no produtividade bele melhora atu hadia kualidade servisu neebe iha. Terezinha De Deus

Facebook Comments

Leave a Reply

Your email address will not be published. Required fields are marked *