Kria Komisaun Kontrola Veteranus Falsu

Kria Komisaun Kontrola Veteranus Falsu

- in Nasional
223
0
Somotxo

DILI-Veteranus planeadu atu kria komisaun ida hodi kontrola veteranus falu ih rai laran, tanba realidade neebe akontese iha rai laran, veteranus falsu kontinua aumenta ba bebeik.

Hau hanoin ita tenke kria komsaun ida atu nunee bele kontrola, ida neebe maka veteranus lolos no ida neebe maka Veteranus falsu, atu nunee bele identifika lolos falsifikasaun dukumentu nee, nia nain duni maka halo ka ou ema sira neebe servisu iha reziaun nee maka halo, tan nee presiza komisaun ida,”dehan Veteranus Agostinho Somotxo ba STL kuarta (13/02/2019) iha nia knar fatin PN.

Nia mos afirma liu tan katak, Veteranus falsu nee laos foin maka akontese, maibe ida nee deste uluk kedas, tanba nee hirak nebee responsavel ba reziaun sira nee identika katak, ida nee akontese kedas iha permeira verikasaun de dadus  neebe halo iha tinan 2005.

Hau hanoin problema falsifikasaun nee akontese iha oin rua, ida ita be veretanus nee maka halo falsifikasaun no ida seluk ema funsionariu sira neebe maka servisu iha laran nee maka, hakarak atu ajuda ema sira nee hodi falsifika dadaus. Tan nee tenke hari komisaun ida, no komisaun neebe bolu komisaun piskolu atu nunee bele hatene, tanba sa maka ema nee falsifika, tanba falsifikasaun kuandu iha ona maka, ita iha problema boot, tan nee tenke kria duni komisaun nee,”dehan nia.

Deputadu nee mos afirma liu tan katak, tenke haree didiak tanba sa maka ema barak neebe laos veteran, maibe nia tenke sai veteranus , dala ruma redi iha laran ou redi iha organisaun nee nia laran hodi fasilita sira sai veteran.

Iha fatin hanesan Veteranu Cornelio Gama(L7) hatutan, osan nee lori ruin ho ran maka sosa, tanba nee semak falsifika dukumentu hodi sai veteranus maka nia sei sente. Notisia kompletu lee iha jornal STL edisaun Kinta (14/02/2019).Madalena Horta/Guilhermina Franco

Komentariu

Facebook Comments

Leave a Reply

Your email address will not be published. Required fields are marked *