Korea Norte-EUA, La Afeta Traballador Timor Oan

Korea Norte-EUA, La Afeta Traballador Timor Oan

- in Economics
724
0
ilidio-ximenes

DILI – Tensaun Entre Korea Norte ho Estadus Unidus Amerika (EUA) la afeita ba traballador Timor ona sira neebe maka servisu iha Korea do Sul.

Lia hirak nee hatoo husi Sekretariu Estadu Politika Formasaun  Profesional Empregu (SEPFOPE), Ilidio da Costa Ximenes ba jornalista sira iha jardim 5 de Maiu Kolmera Kuarta (03/05/2017)

Konflitu nee too agora la iha nia inpaktu mai Timor Leste (TL), liu liu ba ita nia alin traballador sira tanba governu Koreanu liu husi ita nia embaixador neebe maka iha neeba nomos Ministeriu Negosiu Enstranjeiru informa katak seidaun iha ameasa, bainhira iha ameasa sira sei fo hatene oinsa mak atu evakua ita nia traballador sira, tanba nee mak adidu neeba ida seidauk informa buat ruma, situasaun normal no traballador servisu mos hanesan bain bain,” dehan Ilidio.

Iha sorin seluk Diretur Ezekutivu FONGTIL, Arsenio Pereirra dehan, tensaun funu Korea Norte ho EUA la iha impaktu ba traballador Timor oan sira iha Korea do Sul tanba governu Timor Leste nia nia konsuladu ho ka adidu iha korea du Sul bele asegura Timor oan sira iha fatin neeba.

Antes nee mos Minisitru Negosiu Estarnjeiru, Koperasaun, Hernanio Coelho dehan, maske mosu tensaun entre nasaun Korea do Norte ho EUA, la iha impaktu ba Timor oan sira iha Korea do Sul.

“Hau hanoin tensaun entre Korea do Norte ho Estadus Unidus Amerika  nee la fo impaktu ba Timor oan sira neebe servisu iha Korea do Sul,” dehan Hernanio. Lucia Ximenes

Facebook Comments

Leave a Reply

Your email address will not be published. Required fields are marked *