Koopera Ho Orgaun Justisa

Koopera Ho Orgaun Justisa

- in Krime
140
0
tr

DILI- Orgaun justisa halao servisu ho independente atu bele garante lia loos.  Atu haforsa liu tan servisu iha orgaun ida nee, ministeriu justisa foun, tenke iha kapasidade diak no konesementu ba iha area justisa nia.

Deklarasaun nee, fo sai husi Finalista Fakuldade Siensia Sosiais UNTL Matias Martins Dos Santos ba STL iha Kampus Caikoli, Tersa, (12/09/2017).

Ita hareee nasaun ida atu lao ba oin, presija mos area justisa nia tenke forte, no hamrik metin atu halo servisu neebe diak, no dependente. Ita haree orgaun justisa agora komesa avansa ba oin, tanba Timor oan barak maka servisu iha instituisaun justisa nia, too Juiz mos Timor oan. Husu atu ministru foun kopera ho sira atu halao servisu iha area justisa nia lao ba oin, atu lori ema neebe koruptor no kriminozu bele hatama iha kadeia,” esplika Matias.

Akademika nee afirma, nasaun ida nia laran orgaun justisa forte, bele halo ema tauk atu naok no sai korupsaun tanba sira kontrola. Maibe ema neebe servisu iha area justisa mantein nia pojisaun hanesan ema neebe independente atu buka lia los hodi garante justisa neebe justu ba ema hotu.

Nia sublinha tan, esperansa katak ministru justisa foun neebe sei mai, ema neebe iha kapasidade no konesementu konaba lalaok justisa nia, atu bele halao servisu ho diak, atu kopera ho estadu no orgaun hotu, atu bele hadia no tau matan ba justisa iha Timor. Ho nafatin esforsu atu bele responde ba ejijensia no preukupasaun iha instituisaun nia laran.

Iha fatin seluk akademika UNDIL, Julia Magno hateten, servisu justisa nia importante, tanba nee governu foun nafatin tau matan ba sira, no kapasita mos ema neebe servisu iha area justisa nia.

Ita haree servisu justisa nia importante tanba nee, governu foun tau matan ba iha area justisa nia, haree mos iha rekursu humanus, no mos fasilidade sira, tanba pontu rua nee sai hanesan parte importante atu bele haforsa servisu iha instituisaun ida,” dehan Julia.

Alende nee, Advogadu Privadu Manuel Tilman relata tan, fiar katak doutor Mari sei tau ministru justisa ida neebe diak, atu halo servisu tribunal nia lao diak. No ho governu neebe sei mai nee, tau matan ba iha area justisa nia, atu bele halao servisu neebe imparsial. Terezinha De Deus

Facebook Comments

Leave a Reply

Your email address will not be published. Required fields are marked *