Kontrola Rikusoin Foho Leten

Kontrola Rikusoin Foho Leten

- in Economics
6815
0
Ilha Atauro

DILI- Governu tenke kontrola riku soin Timor neebe mak iha foho leten sira tanba aktus husi ema balun sobu dadaun ona foho folon, tesi ai arbiru, sunu rai tanba nee ninia impaktu boot ba bee maran no seluk tan.

Preokupasaun nee hatoo husi Reprezentante povu iha uma fukun Parlamentu nasional, Deputada Maria Angelica ba jornalista, Kuarta (11/10/2017) iha nia knaar fatin PN.

Ami preokupa tanba ai horis neebe moris iha foho leten sira nee, kuaze ema tesi mos no foho leten sira nee ema dudu mos hotu ona, la hatene Nasaun ida nee aban bain rua atu sai oinsa, tanba nee husu ba Ministeriu kompetente tenke kontrola didiak, atu nunee labele fo impaktu iha futuru mai,”informa Deputada nee.

Nia mos mos hatuir liu tan katak, Ministeriu kompetente tenke kontrola didiak atu nunee, ema labele estraga Timor nia riku soin Timor nia ambiente liu husi tesi ai no sunu rai, dudu sai hotu foho sira nee, karik kontinua estraga maka, impaktu boot sei mosu aban bain rua.

Iha fatin hanesan Deputadu Domingos de Carvolho mos hatutan, los duni haree ba realidade foho leten sira nee ema dudu sai hotu ona, balun tidin uma didiak deit iha foho leten, no foho balun ema dudu tanba, atu halo luan estrada, tan nee parte ida mos labele impede dezenvolvimentu neebe lao iha rai laran.

Hau hanoin ita preokupa fatin sira neebe maka ema dudu hodi halo uma nee diak, maibe ita preokupa fatin neebe ema dudu atu halo dezenvolvimentu nee labele, tanba ita labele impede dezenvolvimentu neebe lao iha rai laran,”informa nia.

Nunee mos Deputadu Luis Mendes mos hatutan, Lei konaba floresta nee iha tiha ona maibe, laiha mudansa tan nee husu ba ministeriu relevantes oinsa atu tau, importansia ba area floresta iha rai laran, ho nunee ema labele tesi no sunu rai arbiru. Madalena Horta

Facebook Comments

Leave a Reply

Your email address will not be published. Required fields are marked *