Kontrola Negosiu, AIFAESA Halo Inspesaun Ba Aeroportu

Kontrola Negosiu, AIFAESA Halo Inspesaun Ba Aeroportu

- in Nasional
728
0
Viajem

DILI-Governu liu husi deresaun auturidade de inspesaun fiskalizasao ekonomia, sanitaria alimentar (AIFAESA), halo inspesaun ba atividade negosiu neebe lao iha Aeropotu Internasional Nicolau Lobato Comoro.

Tuir Xefi inspesaun AIFAESA, Gabriel da Costa katak, inspesaunn  neebe halo iha Aeroportu nee, hanesan faze ida atu hatene defikuldade saida maka TL hasoru oras nee, hanesan ekipamentu teste ba produtu importasaun.

Hau hanoin liu husi inspesaunn ida nee atu hatene diak liu tan ita nia defikuldade sira neebe maka Timor Leste hasoru, no ita bele hatoo ba iha Nasaun CPLP sira hodi fo apoiu ita, apoiu nee liu husi ekipamentu nomos kapasita ita nia inspektores sira,” dehan nia ba jornalista, Kuarta (06/12/2017) iha Aeroportu Comoro.

Nia mos informa liu tan katak, liu husi inspesaun neebe maka AIFAESA halo, konsege identifika loja balun neebe utilize sala sira nia negosiu, tanba iha karta lisensa negonesiu nee atu faan deit bebidas, maibe realidade sira faan fali roupa no asesores sira, tanba nee tenke prosesa tuir lei neebe maka iha.

Iha fatin hanesan Xefi Departementu Operasional Portuariu Carmo Mario Soares hatutan, inspesaun neebe maka ohin lao iha Aeroportu nee, tanba kooperasaun diak ho parte AIFAESA atu kontrola atividade negosiu neebe lao iha Aeroportu.

Nunee mos Oscar Ximenes hanesan loja nain neebe utilize sala negosiu nee hatutan, los duni antes lisensa neebe maka hetan husi governu hodi halo atividade nee iha nee, hamutuk ho bebidas neebe maka faan iha liur. Madalena Horta

Facebook Comments

Leave a Reply

Your email address will not be published. Required fields are marked *