Konsellu Babulu Laiha Insentivu

Konsellu Babulu Laiha Insentivu

- in Distritu
6104
0
pouzada

DILI-Tinan ida ona halao knar nudar xefi suku, maibe too oras nee, membru Konsellu Suku Babulu, Postu Administrativa Same, Manufahi, laiha osan insentivu fiksu. Problema nee halo membru Konsellu Suku Babulu laiha vontade atu halao servisu ba povu.

Alende nee, Sede Suku Babulu agora kondisaun ameasa. Ninia kondisaun bes-besik atu monu. Airin uma kakuluk no kuda-kuda lahuk ona. Nomos, transporte ba sira hodi apoiu servisu ba suku laiha.

Preokupasaun hirak nee hatoo husi Xefi Suku Babulu, Alice de Jesus Nunes ba STL iha Caicoli, Dili, Kuarta (6/12/2017). Dezafiu seluk, nia dehan, iha sira nia sede suku laiha fasilidade hanesan mesin ketik ka komputador. Problema nee nia hatoo ona ba governu munisipiu maibe too agora laiha informasaun positivu.

Membru Konsellu Suku sira servisu fulan 6 ona maibe laiha osan insentivu. Sira servisu fulan 6 mak foin hetan $45.00. Nee laiha logika. I membru konsellu suku sira nee eleitu liu husi prosesu eleisaun. Presiza Ministeriu Administrasaun Estatal (MAE) fo importansia ba sira nia preokupasaun hirak nee.

Entretantu ba representante joventude feto no mane, nomos delegadu feto no mane, fulan 6 mak foin hetan insentivu $45.00 ida nee sai ostklu ba xefi suku no xefi aldeia sira hamutuk atu halao servisu ho diak.

Konaba problema cede suku, nia dehan, iha enkontru ho Administrador Postu Administrativa Same, Adao da Conceicao, nia hatoo ona problema nee, maibe Administrador Postu Administrativa Same Adao da Conceicao, hateten laiha orsamentu atu aloka hodi hadia cede suku. Tanba nee mak liu husi surumuk ho Caucus durante loron rua iha Alola fondesen sira identifika problema hirak nee, oinsa ba oin governu bele fo importansia.

Diretora Caucus, Paula de Corte-Real Araujo hatete, liu husi surumuk durante loron rua nee sira hodi identifika dezafiu ou problema saida mak xefi suku Feto sira hasoru durante tinan ida ona sira halao knar ka asumu kargu hanesan xefi suku. Nunee dezafiu ka problema hirak nee sir abele rekomenda ou halo proposta ba governu oinsa atu resolve problema hirak nee.

Tuir Xefi Suku Bualale Postu Administrativa Quilecai Gabriela Belo da Coneicao, hateten liu husi sorumu nee buat nebe sira lahatenee, maibe liu husi fundasaun Caucus fahe informasaun ba sir abele hatenee. Saida mak sir abele halao no saida mak sira seidauk bele halao

Nunee sira bele halao knar nudar xefi suku bele diak liutan, nomos hodi halao desemvolvimentu iha sira nia suku beleo diak liutan, liu husi esperensia nebe mak fahi husi Fundasaun Caucus. Augusto da Costa

Facebook Comments

Leave a Reply

Your email address will not be published. Required fields are marked *