Kongresu FFTL, Klubu Tenki Hetan Benefisiu

Kongresu FFTL, Klubu Tenki Hetan Benefisiu

- in Desportu
1125
0
FFTL

DILI – Hafoin Francisco Jeronimo assume kargu nuudar Prezidente Federasaun Futebol Timor-Leste (FFTL) ba Periode 2018 ate 2023, Eis Jogador futebol husu atu FFTL nakloke aan e iha esperansa boot ba FFTL tamba Klubu mak tenki iha benefisiu.

Futebol Timor-Leste dadaun nee iha epetativa boot ba FFTL, Wainhira Orgasaun futebol nee liu husi kongresu estraordinariu konsege hanmosu estrutura foun ba periode 2018 ate 2023, wainhira Francisco Jeronimo eis Prezidente Assosiasaun Futebol Municipiu Liquesa eleitu nuudar Prezidente FFTL nian. La sees husi Espetativa publiku nian, Autor principal iha Futebol rasik hanesan Klubu iha mos nia esperansa neebe mak boot mos ba Strutura foun FFTL nian neebe eleitu iha Saddu (24/02/2018).

Vice Prezidente Sentru Juvenil Jaime Ribeiro hatete Federasaun laos ema ida rua nian, Maibe FFTL ema hotu nian, tamba nee nia rasik nafatin iha esperansa boot ba strutura foun FFTL nian atu hadia e nakloke aan. Jaime esplika Internalmente nee strutura FFTL nian, maibe Klubu nafatin iha esperansa tamba benefisiu nee klubu mak tenki sente inklui Jogador.

Eis Jogador nee mos akrensenta ba Orgaun Liga neebe responsabliza husi Liga Futebol Amadora presiza iha komunikasaun diak ho FFTL, nunee agenda husi FFTL nian Klubu bele submete, Rezultadu husi Liga nee laos deit atu hamosu jogador neebe diak, laos kontribui deit ba Selesaun nasional maibe benfisiu mos ba  Klubu, Nunee Klubu bele partisipa mos iha Champion Asia, “Atu prense buat sira nee hotu presiza Federasaun neebe diak para bele maneja, nee mak esperansa klubu nian,” dehan Jaime wainhira hola parte mos iha Terseiru Kongresu FFTL nian iha Otel Novu Turismu Lecidere Dili, Sabdu (24/06/2018).

Treinador Ekipa Zebra FC nee mos hatutan, klubu mos laos atu partisipa deit, Maibe iha promosaun, fo kapasitasaun ba jogador nunee iha prosesu transferensia jogador fo benefisiu ba Klubu. “klubu nee komersiu, Federasaun hanesan autoridade ida Oinsa mak jere Futebol para klubu mos bele iha benefisiu, nee mak ami nia mehi,” dehan Ribeiro.

Tuir observasaun Jaime nian rasik hatete Terseiru Kongresu FFTL nian lao demokrasia tebes, “Buat hotu nakloke, durante nee sempre sai prekupasaun ba ema, ita bele hare ona iha era foun e era ida neebe mudansa tebees,” realsa Jaime.

Nia hatete Prezidente eleitu FFTL Francisco Jeronimo laos foun ba futebol Timor-Leste, Inportante mak iha sistema foun neebe mak nakloke , mesmu dezafiu sei iha maibe Jaime rasik nafatin iha esperansa Futebol Timor-Leste sei lao ba oin.

Kongresu Extraordinariu Federasaun Futebol Timor-Leste neebe halao iha Sabdu (24/02/2018) hetan partisipasaun masimu husi Asosiasaun husi Municipiu, Futebol Femenina, Arbitu inklui Treinador neebe mak hamutuk 17 voters. Alende voters sira, terseiru kongresu FFTL nian mos partisipa husi AFC,Observador inklui konvidadus Nasionais e Internasional. Rezultadu ikus husi Kongresu extraordinariu FFTL nian mak Prezidente foun ba periode 2018 ate 2023 neebe Lideradu husi Francisco Jeronimo e Sekretariu Jeral mak Nelio Isac Sarmento ho rezultadu 11 votus.  Natalino Belo

Facebook Comments

Leave a Reply

Your email address will not be published. Required fields are marked *