Kongratula Susesu FM, Fretilin Husu Relatoriu Negosiasaun FM

Kongratula Susesu FM, Fretilin Husu Relatoriu Negosiasaun FM

- in Nasional
249
0
branco

DILI-Bankada Fretilin kongratula susesu ba negosisaun Fronteira Maritima (FM), maibe ezije atu iha relatoriu ba negosiasaun nee, tanba osan nee estadu ka povu nian.

Kestaun nee hatoo husi Vice Bankada Fretilin Francisco Branco hatete, kongratula susesu negosiasauh FM neebe lori estadu Timor-Leste asina akordu delimitasaun FM ho estadu Australia iha 14 de Marsu 2018. Nunee iha loron 28 Setembru 2018 hetan asinatura ida husi Xefe negosiador Xanana Gusmao  ho Conocophilips atu inisia negosiasaun sosa saham 30 pursentu husi empreza petrolifera Conocophilips.

Ami husu ba governu atu iha prosesu relatoriu ida kona ba atividade hirak nee, tanba osan estadu nian, osan povu nian, maibe ita komprende tanba fronteira maritima importante maibe tanba uza osan estadu nian, nudar reprezantante povu, mos tenke iha asesu ba relatoriu ida nee”, katak Branco iha Intervista Segunda (08/10/2018) iha PN.

Nia hatete, ema bolu dehan transparensia jestaun finansas publikas, neebe ita hotu kongratula tanba ita nia estadu asina ona akordu  FM iha 14 de Marco 2018, maibe reprezentante povu nian mos tenke hatene osan hira mak gasta ba ida nee.

Hatan ba kestaun nee Ministru Reforma Lejislativa Asuntu Parlamentar Fidelis Maglhaes hatete, kona ba gastus hira mak halo tiha ona ba prosesu negosiasaun tomak, sira  sei informa ba iha Primeiru Ministru no mos ba iha ba iha gabinete FM nian, neebe sira rezista kona ba kestaun ida nee. Notisia kompletu lee iha jornal STL edisaun Tersa (08/10/2018). Guilhermina Franco

Facebook Comments

Leave a Reply

Your email address will not be published. Required fields are marked *