Konfrontasaun Uatulari, Polisia Detein Ona Suspeitu Nain 5

Konfrontasaun Uatulari, Polisia Detein Ona Suspeitu Nain 5

- in Distritu
2969
0
Foho Matebian

DILI-Polisia detein ona suspeitu nain 5 neebe diskonfia involve konfrontasaun entre joven iha Uatulari, Postu Administrativu Uatulari, Viqueque,. Konfrontasaun nee konsege hakanek joven nain 2.

Konfrontasaun brutu nee akontese iha festa ida, iha Uatulari, Sabadu semana kotuk. Husi festa nee sira halo provoka malu too halo konfrontasaun fiziku. Nunee afirma Komandante Jeral PNTL, Komisariu Polisia (Kompol), Julio da Costa Hornay ba jornalista iha Kuartel Geral PNTL Caicoli, Dili, Tersa (24/10/2017).

Maibe konfrontasaun  refere, nia dehan, konsidera  nudar konfrontasaun babain. Nee mosu dala ruma joven sira hemu lanu, koalia liafuan la kona malu, entaun hamosu problema. I atuasaun neebe polisia halo mos, atua hanesan babain hodi hakalma deit situasaun. Karik iha balu halo krime, konserteja, tenke lori ba Ministeriu Publiku para tuir julgamentu iha tribunal.

Iha fatin hanesan, Komandante PNTL Munisipiu Viqueque, Superintendente Polisia, Antoninho Mauluta hateten, konfrontasaun nee akontese iha serimonia kazamentu ida iha Makadiki. Nee mosu husi dansa, mais ou menus tuku 02:30 madrugada. joven balu neebe lanu provoka malu too mosu tuda malu.

Iha konfrontasaun nee, entre sira tuda malu, nomos baku malu uit oan, balu uza kroat hodi hakanek tiha ema balu. Maibe depois akontsementu, iha dadersan tuku 05.00 OTL, polisia tun direita ba atua kedas kazu nee,” hateten Antoninho.

Atuasaun neebe polisia halo, hetan apoiu husi Liurai Makadiki ho ninia estruktura tomak. I liurai Makadiki fo kedas avizu ba ninia estrutura tomak hodi hamutuk ho polisia halo samada ba sira neebe involve iha konfrontasaun. Ho samada nee, antes tuku lima dadersan, sira nain lima polisia kaptura kedas. “Oras nee dadaun, sira nain 5 detein ona iha Eskuarda Polisia Uatulari, i oras nee dadaun halo hela investigasaun. I situasaun iha neba mos, normal fali kedas,” hateten Antoninho.

Alende sira nain 5, grupu rua husi Makadiki mos aprezenta aan ba Eskuarda Polisia Uatulari no husu polisia para sira nia kazu atu retira maibe nudar Komandante PNTL Munisipiu Viqueque nia fo orientasaun katak, atu retira depende ba vitima, maibe sira nia kazu lori tiha lai ba Ministeriu Publiku. Ikus liu nia hateten, kazu konfrontasaun iha Uatulari nee larepzenta situasaun iha Uatulari. Sira nain 5 detein tiha iha Eskuarda Polisia Uatulari, situasaun lao hanesan babain. Provokasaun laiha, tuda malu mos laiha. Luciana Ximenes

Facebook Comments

Leave a Reply

Your email address will not be published. Required fields are marked *