Kondisaun Lasufisiente, Timor Oan Servisu Ema Nia Rai

Kondisaun Lasufisiente, Timor Oan Servisu Ema Nia Rai

- in Politics
1256
0
img_0259

DILI – Oras nee haree ba realidade kondisaun finanseiru Timor-Leste ladun sufisiente, halo Timor oan barak tenke ba buka servisu iha ema nia rain, atu nunee  haree ba sira nia moris diak, maibe mos aproveita buka esperensia no matenek iha rai liur.

Kestaun nee hatoo husi Vice Ministru Edukasaun Abel Ximenes hatete, haree ba estudante sira barak remata estudu ba servisu iha ema nia rain nee nia haree iha pozitivu no mos negativu, maibe nia hanoin diak, tanba joven sira brani tebes hodi ba buka servisu iha ema nia rain, atu nunee buka esperensia no matenek no buka osan iha ema nia rain lori investe mai iha Timor.

Haree kondisaun iha Timor fulan ida sira manan deit 130.00 ou 140.00, dolares, maibe ba iha rai liur manan fulan ida mak rihun 2 no rihun 3 resin, tanba nee timor oan barak hili ba rai liur, tanba bele sira ba moris diak. Maibe mos iha Timor diak so ke lasufisiente atu hadia sira nia   moris,” katak Vice Abel ba STL Kuarta (12/07/2017) iha ME Vila-Verde.

Nia hatete, Iha Timor seidauk iha kondisaun ba sira atu hodi haree ba sira nia moris, tanba ne sira hili dalan ba rai liur hodi manan osan sira bele sustenta moris. Neebe diak liu husik sira ba buka osan iha rai liur para futuru fila mai bele halo dezenvolvimentu nasional. Bainhira ba iha rai liur, buka osan bele aprende tan matenek, seperensia i aprende mos kultura iha rai seluk nian.

Entretantu Deputadu Membru Komisaun F Antonio Serpa hatete, haree ba kestaun ida nee presiza duni fo antensaun, atu nune governu bele kria kampu servisu barak hodi bele fasilita graduadus sira, tanba agora dadaun nee ita haree ba graduadus barak mak remata eskola kada tinan-tinan. Guilhermina Franco

Facebook Comments

Leave a Reply

Your email address will not be published. Required fields are marked *