Kondisaun Estrada Ba Munisipiu Presiza Hadia

Kondisaun Estrada Ba Munisipiu Presiza Hadia

- in Distritu
1549
0
Estrada

DILI-Deputadu iha Parlamentu Nasional (PN) preokupa ho kondisaun estrada neebe mak ba munisipiu sira, tempu udan kondisaun grave tebes, tanba nee husu ministeriu relevante atu tau atensaun para kompania sira bele hadia hodi fo benefisiu ba movimentu transporte.

Kestaun nee hatoo husi Deputada Jacinta Pereira husi Bancada PD iha sesaun plenaria Segunda (12/06/2017) iha Parlamentu Nasional katak, oras nee dadaun tempu udan halo estrada sira iha munisipiu aat tebes, liu-liu  dalan gleno ba Atsabe, Hatulia, ida nee grave tebes, husu para ministeriu relevante atu toma atensaun.

Ita haree katak agora dadaun iha tempu udan, estrada aat tebes,  hanesan hau haree iha munisipiu Ermera husi Dili ba ladun aat, maibe ita iha fali Gleno atu pasa fali ba iha postu administrativu sira ida nee kondisaun ladiak liu,” katak Deputada Jacinta.

Nunee mos Deputada Anastacia da Costa Amaral husi Bancada Fretilin hatete, agora dadaun tempu udan makas iha unisipiu sira, liu-liu iha munisipiu viqueqque kondisaun estrada grave tebes, tanba nee husu ba ministeriu relevante atu tau preoridade ba kestaun ida nee, para oinsa kompania sira nebe mak halo estrada no ponte para labele fo difikulta ba komunidade sira iha fatin refere.

Entre tantu, Deputada Virginia Ana Belo husi bancada CNRT hatete, semana ida nia laran tempu udan makas, halo estrada iha munisipiu sira haree ladiak tebes, nia fo ezemplu hanesan iha estrada Laklubar ba Manatuto, nee aat tebes. Mezmu iha neeba kompania balu halo hela estrada nee ho ekipamentus kompletu, maibe susar atu halao servisu tanba ho situasaun udan hanesan nee. Haree ba situasaun sira estrada sira nee lamentavel maibe atu halo nusa tanba agora tempu udan mak lafo fatin.

Governu tenke haree fila fali kompania sira neebe mak halo estrada nee tanba durante tinan rua nia laran haree ba sira nia progresu kiik tebes, i progresu ladun lao, tanba nee tenke haree sa problema mak sira hasoru mak halo progresu nee ladun lao. Guilhermina Franco

Facebook Comments

Leave a Reply

Your email address will not be published. Required fields are marked *