Kondisaun Eskola Privadu Diak Liu Publiku

Kondisaun Eskola Privadu Diak Liu Publiku

- in Edukasaun
133
0
meja-eskola

DILI– Kuandu halo komparasaun entre kondisaun eskola privadu no Publiku, realidade hatudu katak kondisaun eskola publiku iha rai laran diak liu duke publiku.

Lamentasaun nee hatoo husi Martins Gomes, hanesan professor iha Eskola Sekundariu Jeral Finantil, hatete, dala barak ema koalia no kestiona bebeik  konaba  kualidade infransturtura eskola publiku ninia iha rai laran, maibe bele dehan halo komparasaun ho eskola privadu sira  diak liu  fali eskola publiku.

Hau hanoin ita koalia konaba kualidade infraesturtura eskola publiku iha nee, ema hotu hatene katak, hanesan eskola publiku ninia kondisaun mak hanesan nee, tanba bele kompara ho eskola privadu ninia kondisaun nee diak no faslidade diak, maibe iha nee, bainhira udan boot, sai difikuldade boot ba sira, tanba area eskola nee nakonu ho bee, tanba ida nee, laos foin mak akontese, bainhira udan boot mai, sai difikulta nafatin ami professor sira, tanba sala balun nee ninia  penahan nee badak, depois  bee nalihun iha area eskola,”dehan Martins ba STL iha nian knar fatin Aimutin Dili Tersa  (10/10/2017).

Nunee mos Direitor Eskola Sekundariu Jeral  Finantil, Aloysius Mau Berek, hatete, realidade  eskola ida nee ninia espasu nee mos  kiik, entaun atu muda oinsa, tanba eskola nee rasik besik ho komunidade sira, neebe espasu eskola ninia nee klot teb-tebes, pior liu iha tempu udan boot, fo impaktu ba sira, tanba dala ruma area eskola ninia nee nakonu ho bee, maibe ida nee mak realidade kondisaun eskola publiku, kestaun ida nee, laos eskola Finantil deit mak infrenta  problema ida nee, maibe mos eskola sira seluk.

“Hau hanoin realidade eskola ida nee ninia espasu nee mos kiik, entaun atu muda oinsa, tanba eskola nee rasik besik ho komunidade sira, neebe espasu eskola ninia nee klot teb-tebes, pior liu iha tempu udan boot, sai fo impaktu ba sira, tanba dala ruma area eskola ninia nee nakonu ho bee,” dehan nia.

Entretantu  estudante Elvis Onorio Fatima Soares, terseiru ano IPA, hatete, realidade  foin lalais udan nee mak too agora  bee seidauk maran, maibe bainhira udan nee mak too semana ida, nee sai difikulta boot ba eskola ida nee, tanba ambiente eskola ida nee kiik no badak, entaun bee sira nee tama mai iha eskola ida nee. Jacinta Sequeira

 

Facebook Comments

Leave a Reply

Your email address will not be published. Required fields are marked *