Kondisaun EBC 10 Grave

Kondisaun EBC 10 Grave

- in Edukasaun
282
0
kondisaun-eskola

DILI – Oras nee kondisaun Eskola Baziku Central (EBC), 10 husi Munisipiu Bobonaro nia grave tebes-tebes, tanba eskola sira nee hetan estragus husi udan no anin boot neebe mak akontese iha fulan hirak liu ba.

Tuir Superintendente edukasaun Munisipiu Bobonaro, Cornelio Mau Sexta, katak, konaba problema infrastruutra eskola, agora dadus submete ona ba Ministeriu Edukasaun (ME) nasional, konaba eskola sira neebe mak uluk hetan estragus husi udan no anin boot.

Konaba problema infrastrutura eskola, agora dadaun ami nia dadus submete tiha ona ba iha  Ministeriu Edukasaun, nasional, konaba eskola sira neebe mak uluk hetan estragus husi udan no anin boot, maibe iha postu rua mak grave, hanesan iha postu administrative Lolotoe no Bobonaro nee anin sobu sai hotu, depois rai halai, hanesan EBC iha Tapo, Postu Administrativu Bobonaro nee kondisaun eskola nee grave, ida nee mak preokupasaun husi eskola Bobonaro ninia,” hatete Cornelio ba STL iha edifisiu ME Vila-Verde, Dili, Sesta (07/04/2017).

Nia hateten, eskola EBC 10 mak presiza toma atensaun emerjensia, tanba kondisaun ladun diak, liu-liu iha postu Administrativu Lolotoe no Bobonaro. Tanba nee, eskola 10 nee presiza iha atendementu neebe mak emerjensia, atu nunee kondisaun eskola bele diak fali, hodi estudante sira uza ba iha prosesu aprendizajen iha eskola.

Nunee mos Direitor edukasaun Munisipiu Liquisa, Zito Antonio de Oliveira da Costa hatete, konaba asuntu infrastrutura sira ladun iha problema, tanba kondisaun eskola balun diak ona, maske laos diak hotu, maibe ME nasional sempre fo atensaun hodi bele hadia kondisaun eskola sira nee. Jacinta Sequeira/Guilhermina Franco

Facebook Comments

Leave a Reply

Your email address will not be published. Required fields are marked *