Komunidade Tasi-Tolu Banjir

Komunidade Tasi-Tolu Banjir

- in Metro, Nasional
173
0
Foto ; STL/DOMINGAS GOMESInundasaun Tasi Tolu

Editor: Crisogono Magalhães

DILI– Komunidade Tasi-Tolu, iha area BTN 3 iha loron Kuarta kalan oras tuku 10 kalan halo bee tama iha komunidade nia uma, hodi estraga hotu sasan uma laran.

Udan hahu tau iha horikalan oras tuku 8.00 kalan too dader tuku 8. Iha tuku 10 kalan bee komesa Tama iha komunidade balun nia uma, laiha moru ruma neebe terik ka saran netik hodi nunee Iha tuku 5 dader hodi akontese inundasaun bot, bee tun husi estrada bot Tasi-Tolu nian tama ba Iha dalan bairu  BTN 3, halo bee tama makas Iha komunidade barak nia uma, maske moru aas maibe bee tama too uma laran, nunee halo komunidade sira tenke evakua, liu-liu lori labarik kiik oan sira ses husi bee laran no udan. Iha evakuasaun nee komunidade balun ses husi uma tuku 4 too tuku agora sei tur iha estrada ninin ka rai neebe maran.

Iha biban nee komunidade Terezinha de Deus hatete, tinan rua tutuir malu sempre akontese inundasaun bainhira udan naruk, tanba nee husu ba governu atu tau atensaun hadia valeta kuak neebe iha, para nunee bee bele sai. Selae tempu udan, povu kiik mak sai vitima hela deit.

Banjir hanesan halo ami nia sasan uma laran aat hotu, hanesan jelera, kulsaun no buat kiik seluk. Ba ema bot sira nee la vale, maibe ami povu kiik nee bot ba ami, tanba lori tempu naruk mak foin bele hola fali,” nia teknik ba STL iha Tasi-Tolu, Dili, Kinta (23/01/2020). Rep : Domingas Gomes

 

Komentariu

Facebook Comments

Leave a Reply

Your email address will not be published. Required fields are marked *