Komunidade Niken Preokupa Lixu Fatin

Komunidade Niken Preokupa Lixu Fatin

- in Metro
681
0
edisi_86 kirim jadi-62

DILI-Komunidade husi Aldeia Niken, Suku Bairru-Pite, Postu Administrativa Don Aleixo, Munisipiu Dili, preukupa lixu fatin, tanba oras nee dadaun komunidade laiha fatin lixu atu rai foer iha laran.

Tuir Prisca de Jesus nuudar komunidade, durante nee komunidade iha Bairru Beko Rate kotuk laiha fatin lixu atu rai foer. Nee duni, e husu ba governu liu husi ministeiru relvante atu haree kestaun nee.

Durante nee ami laiha fatin lixu atu rai foer ba laran dalaruma kareta mai tula, maibe telefone foin mai, tanba nee susar ba ami atu soe foer ba laran. Nee mak, husu ministeriu relevante atu haree ba kestaun nee,”dehan Prica ba STL iha Bairru-Pite, Kuarta (17/5/2017).

Tuir Prica, fatin lixu importante tanba bainhira laiha fatin lixu foer soe lemo-lemo ona, bele lori moras ba komunidade sira. Tan nee fatin lixu importante tebes ba komunidade sira karik bele halo tiha fatin lixu ida para komunidade sira tau foer ba laran.

Ita iha foho ho sidade lahanesan, se-karik iha foho mak laiha fatin lixu nee oin seluk, tanba iha foho laiha ema seluk atu ba vizita iha neeba. Maibe iha kapital ema estranjeiru sira mos tama-sai iha ita nia rai. Nee duni, bainhira foer soe lemo-lemo bee lori ba iha sidade laran hafoer sidade laran no lori moras ba komunidade sira, nomos halo foer rai sidade laran,”katak Prica.

Iha fatin hanesan Joanina hanesan komunidade Bairru Beko hateten, tanba laiha lixu fatin dalaruma komunidade sira soe foer sira rai iha uma sorin. Nee duni, asu dada soe lemo-lemo ba komunidade seluk nia uma oin. Hanesan popok labarik nian nomos foer sira seluk.

Kareta dalaruma mai, maibe too deit iha kraik ba latama mai rate kotuk neebe bainhira komunidade sira iha hotu mak kareta mai sira hetan sira bele lori ba rai foer iha kareta laran, maibe sekarik sira sai hotu ona mak kareta mai sira labele lori ba.

Tanba nee husu ba ministeriu relevante atu hare ba kestaun nee sebele harii lixu   fatin atu nunee fasilita komunidade sira bele rai foer ba laran foin kareta mai tula deit. Nunee komunidade idak-idak hatene fatin lixu hodi rai foer ba laran.

Tuir observasaun STL iha terenu nota katak tanba laiha lixu fatin komunidade sira rai foer iha sira nia uma deit no dalaruma sira sunu deit foer neebe sira rai maran ona. *EST5

Facebook Comments

Leave a Reply

Your email address will not be published. Required fields are marked *