Komunidade Motael Asesu Bee-Mos

Komunidade Motael Asesu Bee-Mos

- in Metro
100
0
asesu-bee

DILI-Komunidade Suku Motael, Postu administrative Vera-Cruz, Munisipiu Dili kuaze asesu hotu ona bee-mos, tanba nee preokupasaun komunidade laiha.

Tuir Xefe Suku Motael Cornelio Araujo Lopes katak, komunidade hotu-hotu iha Suku Motael asesu ona bee-mos ho diak.

Hau sente bee-mos inportante nee duni nuudar autoridade suku, hau hakerek karta ulun-ain hatoo ba Ministeriu Obras Publiku kona-ba povu nia halerik ba bee-mos, ikus mai governu responde duni tanba nee agora husi area Motael komunidade sira asesu ona bee-mos,”Dehan Cornelio ba STL, Tersa (17/10/2018) iha nia knar fatin Sede Suku Motael Dili.

Nunee mos joventude feto Motael, Silvina da Conceincão  hateten buat neebe mak xefe suku koalia kona-ba komunidade sira asesu ba bee-mos nee los duni tanba kuminidade sira hotu-hotu iha bee, balun uza bee husi estadu nomos balun baku rasik bee hodi uza sanyo neebe komunidade sira lakestiona ba bee.

Ita haree ba setimu governu foun ida nee nia progara prioridade ba iha bee-mos, neebe bele atende no hadia povu nia moris tanba ita haree iha media komunidade sira balun fo sai lahetan bee-mos,”katak Silvina.

Neebe governu foun ida agora nee bele halo no hadia povu nia moris hanesan lori povu ba moris diak entaun buat hotu tenke implementa saida mak ohin loron povu sira infrenta hela ba baut sira neebe mak povu sira hasoru agora dadaun.

Faustino Freitas hatutan, bee-mos inportante tanba nee presiza duni governu tau atensaun atu nunee labele halo komunidade halerik tan bee-mos.

Hanesan komunidade ami mos uza bee neebe ba ami nia nesesidade loron-loron, buat neebe mak xefe suku dehan nee los duni, ami agora asesu ba bee nee diak ona.

Neebe governu foun mai bele atende diak liu tan ohin loron maluk sira seluk sai iha media sira kestiona ba bee, tanba komunidade barak asesu bee-mos. Neebe ita haree governu nia programa nee bee-mos sai prioridade setimu governu. Bele alkansa programa hira nee bele atende povu nia problema neebe povu agora dadauk infrenta hela. Est-3

Facebook Comments

Leave a Reply

Your email address will not be published. Required fields are marked *