Komunidade Lisadila Preokupa Kondisaun Estrada

Komunidade Lisadila Preokupa Kondisaun Estrada

- in Distritu
2816
0
Estrada

LISADILA-Komunidade husi suku lisadila postu administrativu Maubara, Munisipiu Liquisa, sente preokupa ho kondisaun estrada neebe mak liga husi Loes ba sira nia suku.

Preokupasaun nee  hatoo husi Xefi suku lisadila, Fernando Lobo, dehan, kondisaun estrada ida nee  sai nafatin preokupa  komunidade sira nian, tanba  bainhira udan, transporte publiku sira  labele tama too iha suku ida nee, tanba haree ba kondisaun estrada nee, iha tempu udan rai dodok, no estada laran nakonu ho bee.

Hau hanoin konaba kondisaun Estrada ami suku Lissa Dila iha tempu uluk ami hatoo tiha ona  ba iha SEFOPE, maibe too agora ami nia proposta tama ona, maibe too agora seidauk realiza, tanba ami nian kondisaun estrada ita boot sira haree rasik, tanba kondisaun estrada aat duni, maibe iha tempu udan nee at liu, tanba tempu bai loron ami sei hasoru kondisaun sei diak uituan, maibe pior liu mak iha tempu udan, kareta mos dala ruma labele tama,” dehan Fernando ba STL iha Lisadila, Segunda (17/07/2017).

Xefi suku nee akresenta, dala barak povu sira iha produtu lokal neebe mak atu lori ba iha merkadu, maibe haree ba iha kondisaun estrada nee ladun favorese ba sira, tanba husi suku lisadila ba too iha parte Loes ninia sei lao dook, tempu bai loron estrada laran nakonu ho rai rahun, entaun transporte publiku sira ladun tama too iha suku refere.

Entretantu Administrador postu administrativu maubara, Domingos Alves Correia, hatete, kondisaun estrada nee presiza iha perioridade neebe mak diak, tanba Liquisa nee sai ona Munisipiu, entaun oinsa mak komunidade husi suku ida nee, bele hetan kondisaun estrada neebe mak diak ho sira nian maluk sira husi suku seluk. Jacinta Sequeira

Facebook Comments

Leave a Reply

Your email address will not be published. Required fields are marked *