Komunidade Labele Preokupa Rumoris

Komunidade Labele Preokupa Rumoris

- in Politics
1044
0
Cidalia Espoza

DILI — Espoza Prezidente Republiika (PR) Cidalia Nobre Guterres, apela ba komunidadetomak atu labele preokupa ho rumoris neebe dadaun lao, relasiona ho situasaun politika iha rai laran.

Hau husu ba joven sira atu hakmatek iha fatin ba saidamak lao iha nasaun ida nee husu ita nia nain ulun sira mak buka dalan atu rezolve, ita labele mete problema sira nee,” dehan Cidalia ba STL iha Kristal hafoin halao vizita ba Institu Cristal Kuarta (18/10/2017).

Espoza Prezidente nee mos husu inan aman atu kontrola oan sira ho didiak kuandu ba eskola, atu nunee ema seluk labele aproveita hodi uza fali sira ba situasaun ruma.

Liu ba inan aman sira kontrola oan, kuandu ba eskola ba eskola, fila eskola karik tur hakmatek atu ema labele aproveita sira tanba situasaun ruma susar atu kontrola, dala barak liu dalawain liu akontese ema neebe mak inosente sai vitima, e hau hanoin papel importante mak ita labele preokupa mais ita buka halao ita nia atividade hodi nunee sustenta ba ita nia familia,” tenik Cidalia.

Iha sorin seluk Segundu Komandante PNTL Munisipiu Dili, Superintendente Assistente Polisia, Euclides Belo  lori Komandu Munisipiu Dili nia naran apela ba publiku liu liu ba joven sira atu tur hakmatek,  labele halo tentativa sira tanba kuandu grupu ruma, ema ruma mak koko atu kria instabilidade polisia sei foti atuasaun neebe rigorozu tebes.

Ami husu ba komunidade sira joven sira atu tur hakmatek halo atividade karik halo los no tuir regra mas kuandu halo fali perturbasaun ruma ami sei halo atuasaun rigorozu tebes,” tenik Euclides.

Nunee mos Xefe Suku Caicoli, Hipolito Marques dehan, hanesan autoridade lokal husu nafatin ba komunidade atu tur hakmatek iha ida idak nia fatin. “Ami autoridade lokal nafatin informa komunidade sira atu tur hakmatek, halao sira nia atividade hodi sustenta familia, labele preokupa ba rumoris sira neebe lao iha rai laran, tanba polisia no forsa iha hodi asegura seguransa iha rai laran,” dehan Hipolito. Luciana Ximenes/Jacinta Siqueira

Komentariu

Facebook Comments

Leave a Reply

Your email address will not be published. Required fields are marked *