Komunidade Camea Hetan Garnada Guerra Mundial

Komunidade Camea Hetan Garnada Guerra Mundial

- in Nasional
49
0
Independensia

DILI-Komunidade iha Suku Camea-Becora iha loron Sabadu (05/01) hetan material guerra mundial musan ida ho tipu garnada monteiro 80 Milino metro (MM). Material garnada nee hetan husi labarik nain rua neebe buka kalen (lata) aat iha area Camea nian.

Enkuantu Haree ba material nee perigu ba ema nia vida, Pesoal seguransa ida neebe mos hela iha fatin refere asegura kedas material refere hodi halo kontaktu kedas ba ekipa Explosive Ordenance Disposal (EOD) hodi halo destroisaun, maibe momentu neeba labele halo tanba ekipa EOD sei okupadu ho servisu balun.

Nunee, ohin loron Tersa (08/01) Ekipa Explosive Ordenance Disposal (EOD) aranka ba fatin akontesementu hodi halo destroisaun ba material guerra mundial nee. iha prosesu halo destroisaun akompana direita husi Polisia Eskuadra Kristu Rei, no mos komunidade, inklui Xefe Suku Camea rasik.

Reprejentante, Seksaun Mactivasaun Explosive Ordenance Disposal (EOD), Sargentu Xefe, Estaqui de Jesus wainhira aviza hela komunidade sira katak, wainhira ekipa EOD ba halo destroisaun iha fatin balun sempre bolu komunidade sira hodi fo hatene nunee sira bele informa fali ba labarik kiik sira.

Dalabarak labarik sira ladun hatene sira sai vitima tanba nee mak ohin nee ami halo destroisaun iha nee para ita boot sira bele hatene,” dehan nia iha Suku Camea-Becora-Dili (08/01/2019).

Nia esplika katak material Guerra mundial nee sei funsiona ho diak tanba maske feruzen ona, maibe ninia laran sei funisona ho diak. Tanba, wainhira tuku kois ka sunu kois ida nee sei fo perigu boot ba ema nia vida.

Nia apela ba komunidade, karik haree material hirak nee labele book. Maibe, informa  ba polisia neebe besik iha fatin ka ofisial F-FDTL neebe besik para bele kontaktu ba eskuadra sira hodi tau lina Polisia nian hodi nunee bele halo destroisaun.

Enkuantu iha fatin hanesan Xefe Suku Camea, Matos da Costa hatete, material Guerra mundial nee labarik sira mak hetan. Tanba nee mak pesoal seguransa neebe hela iha suku nee haree no fo kedan informasaun ba komandante eskuadra no mos ekipa EOD hodi bele mai halo destroisaun. Lucia Ximenes

Facebook Comments

Leave a Reply

Your email address will not be published. Required fields are marked *