Komunidade Becora Infrenta Bee Mos

Komunidade Becora Infrenta Bee Mos

- in Metro
31
0
KURU BEE

DILI- Komunidade Suku Bekora, Postu Administrativu Cristo Rei, Dili, preokupa tebes ho bee mos. Semana rua ona, bee husi kanu lao ladun diak. Sira husu ba governu presiza tau atensaun.

Tinan barak ona komunidade bekora halerik ba be mos maibe ladauk hetan atensaun husi governante sira, tanba nee governu presiza tau atensaun hodi hadia komunidade nia moris hodi moris hakmatek,”hateten Antonioda Silva Soares ba STL iha Sede Suku Becora, Kuarta (11/10/2017).

Bee mos neebe komunidade Bekora utiliza, uza deit bee neebe desde tempu Portugues nia tempu, hanesan bee matan husi natureza tanba nee wainhira bee matan nee failansu ruma susar tebes ba komunidade atu asesu.

Komunidade Bekora Norbertu G. Soares katak, uluk kedas susar atu asesu ba bee mos, tanba la iha atensaun husi governu atu hadia komunidade nia moris, bee mos nee importante tebes ba povu kiik sira hodi uza ba nesesidade baziku iha atividade lorloron nian.

Nia sujere ba governu tenke tau atensaun ba parte menus hela bee mos neebe komunidade enfrenta, lider sira povu fo fiar atu servi maibe too agora nee la iha resposta ba komunidade nia preokupasaun.

Ana Maria dos Reis (komunidade) dehan, preokupasau boot ba suku bekora mak bee mos nee iha tempu uluk kedas laos agora mak preokupa bee mos, agora uza deeit bee matan mak hodi atende ba nesesidade uma laran nian.

Se bee matan neebe ami uza nee mak iha tempu udan bee foer tama tiha ou tempu bailoron rai rahun nakonu nee ami atu haris, tein no uza ba nesesidade kiik ou boot nee susar tebes ba ami,” katak Ana.

Husu ba governu tenke tau atensaun ba komunidade nia preokupasun hirak nee hodi rejolve iha tempu badak nia laran hodi bele asesu ba bee mos, tanba parte nee sai hanesan mos fator determinante ida ba ema nia vida moris lorloron nian. Estajiadu UNTL 2.

Facebook Comments

Leave a Reply

Your email address will not be published. Required fields are marked *