Komprador Fos Numeru Aas Stok Armajen sufisiente

Komprador Fos Numeru Aas Stok Armajen sufisiente

- in Economics, Nasional, Notisias Online
269
0
download (4)

Editor: Crisogono Magalhães

DILI-Hahu iha loron segunda semana nee, kareta truk barak antria iha armajen Dili laran hodi sosa fos, situasaun ida nee halo traballador sira neebe servisu iha Armaje fos sente hakfodak uituan, tanba komprador sira antrian hahu dader too fali loriak hodi sosa fos.

Liu husi intervista Traballador iha armajen Fatuhada Mario da C hateten, hahu segunda too agora (red kinta), komprador fos iha mudansa tebes katak, sosa nain sira barak, balun mai hola truk ida nakonu ba hatun mai fali sosa, kompara ho antes nee la hanesan, tanba antes nee ladun sosa.

Ami hakfodak uituan tanba semana ida nee komparasaun makas tebes, kompara ho loron bain let la hanesan, tanba semana nee numeru sosa aas, konpara ho antes nee diferente, uluk nee truk ida mai tula ohin no nia atu mai tula fali sei han too semana, maibe agora lahanesan tanba sosa nain sira nee barak tebes, dehan traballador Mario da C ba STL, Kinta (19/03/2020) iha armajen Fatuhada.

Nia mos afirma liu tan katak, maske numeru komprador aumenta aas ba bebeik, maibe la signifika katak, stok iha armajen atu hotu, karik stok menus maka kompania nafatin importa husi rai liur.

Desizaun neebe governu foti atu establese estadu emerjensia nee laos ba, produtu aihan maibe ba deit movimentasaun ema maka labele tama sai, tanba nee fos importansaun no nesesidade baziku nafatin tama, no agora  stok iha armajen sei sufisiente atu responde merkadu, ho presu normal 20 KG u$ 8.50 no 25kg u$ 10. 25 sentavos ou bele too U$ 10.50 sentavos, nee presu neebe normal. Informasaun kompletu bele haree iha STL Jornal no Web STL Online, Edisaun Sesta (20/3/2020).Reportajen:Madalena Horta

Komentariu

Facebook Comments

Leave a Reply

Your email address will not be published. Required fields are marked *