Komponente Naval Komemora Aniversariu 18

Komponente Naval Komemora Aniversariu 18

- in Nasional, Politics
138
0
download (20)

Editor: Germano de Sousa

DILI– Falintil Forsa Defesa Timor Leste (F-FDTL), husi unidade Komponente Naval Ligeira (KNL), komemora aniversariu ba dala-18.

Tuir Komadante Naval Ligeira Kapitaun Fargata, Joao da Silva katak, durante nee tinan 18 liuba KNL sempre hasoru mos dezafius oin-oin. Maibe, dezafius nee lasignifika katak hamate espiritu KNL. Nee duni, Komponete Naval mantein hamentin espiritu nasionalizmu no patriotizmu efetivus hodi servi ba interese do estadu iha espasu maritima.

Mesmu oras nee ita haree navio republika RDTL Klase Jaco, Betanu, Kamanasa, Lifau, I Prasas. Iha limitasaun operasional falta de manutensaun nomos navio RDTL Atauro ho Oecuse neebe hasae ona mai iha rai maran futuru sei tau iha muzeum naval, katak Kapitaun Fragata Joao liu husi nia diskursua iha serimonia aniversariu KNL bad alar-18 iha Quartel Komponente Naval Hera, Domingo (12/1/2020).

Nia mos dehan, mesmu navio sira nee iha situasaun limitasaun operasional maibe laimpede prezensa membrus komponente naval hodi asegura partisipasaun nia espasu internasional.

Hanesan partisipa exersisiu kakadum iha Australia partisipa exersisiu komodo iha Indonezia, partisipa exersisiu faradise iha Papua nomos mais prezente partisipa exersisiu ayus India Oceano Naval. Hodi apoiu politika external e mos promove no hametin liu tan koperasaun maritima internasional.

Komponente naval exerse nia kompetensia hodi defende soberania nasional iha espasu dominiu maritima presiza meius navais. Meius hirak nee hanesan infraestrutura, finansas hodi nunee iha kapasidade bele responde ba atividades sira hanesan peska ilegais, iha kapasidade halo seguransa ba navegasaun salva guarda vida humanu, prevensaun no atuasaun polisaun ambiental iha tasi.

Hanesan droga fase osan trafiku humanu no seluk tan, mais importante atu asegura explorasaun petroleum tuir rekursus minerais neebe agora lao hela ba future.

Ami optimista katak komponente naval sei iha kapasidade hanesan hau temi iha leten, maibe presiza kolaborasaun, katak Joao.

Presiza serbisu hamutuk ho ministeriu instituisoens hanesan agrikultura I peskas interior petroleum turismu, rekursus minerais, ambiente transporte I komunikasaun, ministeriu das obras publikas nunee bele garante liu tan seguransa maritima.

Tanba atividade ekonomia 90% liu husi tasi nunee mos tasi Timor sai hanesan rota navegasaun internasional neebe mak liga oceano indiku I ceano pasefiku husi parte seluk mos seka de 80% OJE, finansiadu husi fundu do petroleum.

Aleinde ida nee mos bainhira dezenvolve aktividades sira hanesan peska, turismu, transporte, estudu sientifiku, konstrusaun, reparasaun ba naval no seluk tan hodi apoiu dezenvolvimentu ekonomi Timor-Leste.

Atu garante atividades ekonomia no rota navegasaun internasional komponente naval tenki iha minimu kapasidade hodi prevene no atua tuir lei domestika no lei internasional maritima.

Iha tinan ida nee ba oin kuda metin ita nia profisionalizmu hanesan modelu no exemplu integridade ba sidadania. Nunee mos komando komponente forsa naval ligeira agradese no hametin koperasaun internasional liuliu ba pais sira neebe apoiu ona prepara rekursus humanus komponente naval iha espesialidade oioin hanesan Australia, Portugal, Novazelandia, Estadus Unidus Amerika ho Xina no seluk tan.

Sira mos lahaluhan agradese no hametin liutan ba organizasaun rezistensia sira neebe mak oras nee no kaixa klandestina neebe  apoiu ba  sira atu selebra loron komponente naval ba dala-18 hanesan organizsaun Fitun, organizasaun 55, kaixa klandestina Hali Lulik, kaixa klandestina mukit, kaixa klandestina Jaitun no seluk tan.

Ho sira nia esforsu tomak no serbisu hamutuk sira mos bele realiza serimonia ida nee.

Iha fatin hanesan Xefe Estadu Maior Jeneral das Falintil Forsa Defesa Timor-Leste (F-FDTL), Maijor Jeneral F-FDTL,Lere Anan Timur hatete, iha momentu ida neebe komemora aniversariu  Komponente Naval ba dala-18 nee  hanesan Xefe F-FDTL, nia hakarak manifesta nia rekonesimentu ba sira nia pasiensia no koragem hodi halao misaun neebe mak estadu TL liu husi F-FDTLfo fiar ba sira.

Hau nuudar imi nia Xefe Estadu Maior General Forsa Armadas fo mos hau nia konfiansa ba kapasidade komponente nian, dehan nia

Militar hotu neebe mak serve iha komponente naval tanba imi nia kapasidade atu ultrapasa ho diak husi dezafius hotu-hotu, neebe mak imi hasoru mesmu iha konesimentu naton no rekursus humanu materias sempre eskasus.

Hanesan ema hotu hatene nanis ona rezultadu hirak nee hotu mai husi imi nia vontade atu manan ka ultrapasa ho diak. Tanba ida nee mak komando intrega sertifikadu ba ofisiais urgentus pasu ida-idak, hodi fo motivasaun no animu fo koragem fo mos responsabilidade ba ema ida-idak atu halao misaun lulik ida nee.

Hau hatoo hau nia parabens ba imi marnieriu no funsioleirus nia loron festival ida nee, imi servi no fo onra ba ita nia patria liu husi KNL, dehan nia.

Sira nia agregasaun hodi konstitui atu exatasaun ida ba memoria no tributu ba vale dos herois veteranus no kombatente da libertasaun rai ida nee nian durante tinan 24 nia laran. Liu husi sira fo mos homenagem ba sira tuir ex neebe hatudu ona neebe loron loron kontinua inspira.

Tanba nee, hakarak apela imi atu kontinua hodi tau atensaun hodi kaer metin ba valor patriotizmu no espiritu sakrifisiu ba konstrusaun TL.

Herois no veteranus sira hatudu ona atu asegura valor hirak nee tenki haree malu no hadomi malu nuudar maun alin tenki leal ba komandante sira no leal ba instituisaun no leal ba rai neebe mak imi nia rai raan fakar fatin. ESTI-05

 

Komentariu

Facebook Comments

Leave a Reply

Your email address will not be published. Required fields are marked *