Kompetensia PR Estende Mandatu Lere

Kompetensia PR Estende Mandatu Lere

- in Nasional
82
0
images

DILI-Estende Mandatu Chefe Estadu Maior General Das F-FDTL, Major General, Lere Anan Timur  ba tinan rua tan, hahu husi tinan 2019 too 2020, ida nee kompetensia Prezidente da Republika(PR), Francisco Guterres Lu Olo nian.

Kestaun nee hatoo husi Prezidente Comisaun B Aderito Hugo ba Jornalista Segunda (11/02/2019) iha nia knar fatin Parlamentu Nasional.

Hau hanoin estende tan mandatu Chefe Estadu Lere Anan Timur nian, ba tinan rua tan nee kompetensia Prezidente da Republika nian, karik iha servisu balun neebe seidauk finalize tanba nee tenke estende tan nia mandatu ba tinan rua nia laran too 2020 bele hotu ona,”dehan Prezidente Comisaun B nee.

Nia mos afirma liu tan katak, lolos nee mandatu Chefe Estadu nian remata iha tinan hirak liu ba nee tiha ona, maibe kompetensia Prezidente da Republika nian atu estende, karik 2020 maka kontinua estende maka nee kompetensia PR nian.

Iha fatin hanesan Deputadu Antonio da Concesao mos hatutan, lolos nee, mandatu Chefe Estadu Lere nian hotu ona iha tinan hirak liu ba nee, maibe tanba ema nee iha kapasidade neebe diak atu jere instituisaun F-FDTL nee ba oin ho diak liu tan, maka Prezidente ho governu kontinua estende ninia mandatu. Notisia kompletu lee iha jornal STL edisaun Kuarta (13/02/2019). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *