Kompete Tenke Ho Kualidade

Kompete Tenke Ho Kualidade

- in Metro
6786
0
tiga-roda

DILI- Feto tenke prepara aan ho kualidade, atu nunee bele partisipa iha politika hodi bele tuur iha parlamentu nasional nomos iha governu, tanba kualidade labele haree ba lei.

Ita haree oras nee dadaun feto sira mos partisipa ona iha parlamentu nasional nomos iha governu, dala barak ema dehan feto nee iha direitu tanba lei maka fo dalan maka ba tuur iha neeba maibe, tuir hau nian hanoin wainhira feto atu partisipa iha atividade hotu labele haree ba lei katak, hau iha direitu. Tanba nee maka hau ba tuur iha neeba, maibe wainhira ita ba tuur iha neeba ita dehan hau mos iha kualidade hanesan mos ho mane sira, tanba nee maka hau iha direitu ba tuur iha neeba atu bele haree ba hau nian maluk sira seluk nian preokupasaun,” katak Joanina Soares ba STL iha Parlamentu Nasional, Sabadu, (09/12/2017).

Nian hatutan, maske lei iha duni maibe feto sira tenke esforsu aan makaas diak liu tan. Atu nunee iha kualidade neebe maka diak hoid bele debate assuntu ruma ho kualidade, no depende duni feto nian direitu katak feto labele hetan deit 30%” maibe, bainhira iha kualidade bele hetan too 50%.

Iha sorin seluk Cedelizia Dos Santos Sekretaria Exekutiva Komisaun Nasional Timor Leste Ba Unesco katak, feto nian partsipasaun neebe maka komesa aumenta tanba iha ona lei neebe mak fo dalan ba feto sira, maibe feto mos esforsu aan atu nunee bele iha kualidade atu nunee iha kapasidade atu kompete iha publiku. Emerenciana Pinto

Facebook Comments

Leave a Reply

Your email address will not be published. Required fields are marked *