Kompania Kaer Ikan Hatama Osan U$500.000

Kompania Kaer Ikan Hatama Osan U$500.000

- in Economics
2316
0
AA_AA_Ikan

DILI – Kompania rua neebe mak durante nee kaer ikan iha area tasi mane mak hanesan kompania Honlong no Best food company hatama ona ba kofre estadu Timor Leste kuaze U$500.000 ital.

Iha tinan 2016 reseitas neebe mak tama mai iha kofre estadu hamutuk U$400.000 hanesan nee mai fali iha tina 2017 reseitas nebe mak tama foin fulan hira nee hamutuk U$100.000 hanesan nee reseitas nee hatam husi kompania rua mak hanesan kompania Honlog no Best food Kompany.

Ita hotu hatene iha fulan Novembru tinan 2016 governu TL fo lisensa ba empreze Honlong nebe hatama ro 15 nee fo lisensa laos fo kontratu, tanba hau rona bebeik iha media dehan kontratu maibe laos kontratu ita fo lisensa bazea ba lei nebe iha, fo lisensa ba sira para sira kaer ikan iha tasi parte tasi mane ninian nebe agora lao hela,” dehan diretor peskas Acacio Guterres ba STL Kuarta 12/7/2017 iha Trade Investment Colmera Dili.

Agora dadaun nee kompania refere halao ona exportasaun dala rua ona, faze primeru kuaze iha 300 toneladas no foin dadauk iha fulan ida kotuk liu ba exporta tan 600 ital toneladas maibe nafatin akompania sira halo movimentasaun servisu hamutuk ho JICA, JICA mak fo apoiu ba TL para bele asesu ba CCTV.

CCTV nee uja Para bele akompanha sira nia movimentu iha tasi laran, ita bele hare liu husi CCTV iha teritoriu Timor laran tomak, kaer iha nebe nebe deit oras nee dadaun sira kontinua nafatin sira nia servisu,”dehan nia.

Alende ro 15 nebe mak governu fo lisensa nomos iha ro 3 husi kompania best food nebe mak hahu kaer hela ikan no sira nia ro karu nee mos atu mai para atu tranporte ikan sira nee, lori ba Xina, nomos husi ro Best food mos halo ona exportasaun primeru ba iha rai liur.

“Normalmente sira exporta ba iha Xina tanba ita hatene katak Xina nee rai kloot, ema barak atu han ikan mos la too entaun barak liu mak han ikan exportasaun husi rai liur ho ida nee mak kompania kaer ikan sira nee halo exportasaun deit ba xina para sira nia populasaun sira bele konsumu ikan sira nee,” tenik nia. EST6

Facebook Comments

Leave a Reply

Your email address will not be published. Required fields are marked *