Kompana Olgapa Seidauk Halo Pagamentu Ba Traballador

Kompana Olgapa Seidauk Halo Pagamentu Ba Traballador

- in Economics
210
0
monumento_lifau

DILI-Kompana Olgapa neebe kaer projetu, rehablitasaun Estrada husi Postu Administrativu Hatulia main too Ermera kota, abandona tiha ona obra nee no trabalador neebe servisu iha kompana nee, seidauk hetan pagamentu maibe kompana abandona tiha ona obras nee.

Preokupsaun nee hatoo husi, Reprezentante povu iha uma fukun Parlamentu Nasional, Domingos Lemos liu husi sesaun plenaria, Tersa (09/10/2018) iha Parlamentu Nasional.

Traballador neebe servisu iha kompana nee triste tanba, kompana nee seidauk halo pagamentu ba traballador maibe, projetu nee abandona tiha ona, laiha justifikasaun ba traballador sira,”informa Deputadu Domingos Lemos.

Nia mos afirma liu tan katak, bazeia ba informasaun husi komunidade sira katak, kompana nee mos la selu ema nia rai henek no fatuk neebe uza ba rehablita Estrada nee, tanba nee komunidade sira ezize sira nia diretu maibe kompana abandona tiha ona. Tanba nee husu governu atu toma atensaun atu nunee komunidade labele sao vitimita ba asuntu kompana.

Iha fatin hanesan Deputadu Antonio Bianco hatutan, presiza investigasaun ida tanba sa maka, kompana nee abandona obra nee hodi la selu ninia traballador sira.

Hatan ba Preokupasaun nee Ministru reforma Legislativa asuntu Parlamentar, Fidelis Magalhaens hateten, ba asuntu ida nee governu sei hare, problema saida maka kompana Olgapa hasoru hodi, la halo pagamentu ba trabalador sira. Atu hatene klean konaba notisia nee lee iha jornal STL edisaun, Kinta (11/10/2018). Madalena Horta/Guilhemina Franco

Facebook Comments

Leave a Reply

Your email address will not be published. Required fields are marked *