Komete Infrasaun, PNTL Detein Juven Nain 3

Komete Infrasaun, PNTL Detein Juven Nain 3

- in Krime
324
0
Kadeia

DILI-Komandu Polisia Nasional Timor-Leste (PNTL) Munisipiu Dili detein juven nain tolu (3) tanba komete infrasaun.

Tuir Segundu Komandante PNTL Munisipiu Dili, Superintendente Assistente Polisia, Euclides Belo dehan, juven nain 3 nee detein tanba laiha karta kondusaun no soke aat atributu polisia tranzitu  neebe  tau iha estrada publiku.

Ami detein juven nain tolu nee tanba sira lori kareta sem karta kondusaun depois laobiedese no lakolabora ho membru polisia neebe halo cek point. Nunee mos soke atributu tranzitu inklui soke tan motor tanba nee polisia kaptura,”katak Euclides ba STL iha Komandu PNTL Munisipiu Dili, Kinta (19/10/2017).

Alende nee Euclides mos afirma tan katak operasaun enkordenada neebe PNTL no F-FDTL halo laos atu ba ema lao tun sae maibe eduka juven sira neebe hemu lanu iha estarda.

Nunee nia dehan, juven sira bele joga sira nia liberdade lao ba-mai maibe tenke ho sentidu kolaborasaun no kooperasaun.

Tanba nee kuandu lao mak tuda malu, asaltu malu, buka atu estraga ema propriedade polisia halo operasaun atu prevene. Tanba nee bainhira hetan hemu lanu iha luron polisia sei prende tantu motor-kareta sei pasa revista. Liu husi pasa revista mak hetan sasan kroat tenke prosesa tuir lei.

Iha sorin seluk Estudante UNTL, Victor da Conceicão dehan, prezensa polisia iha Barru kada sema sira halo operasaun loron no kalan maibe prolema ransu hodi hamosu konflitu.

Hau hanoin polisia nia prezensa laos laiha, kadaves sira halo operasaun rutina neebe  ita nai polisia halo mais agora dadaun sira iha operasaun neebe tama sai bairru tanba  prolema juven sira ransu livre hodi hemu tua iha  dalan entaun halo provokasaun ikus mai konflitu nee mosu,” dehan Victor.

Nunee mos, tuir observasaun STL nota katak,  dadaun Polisia Nasional Timor Leste ho nia unidade hanesan Espesial Polisia inklui membru Falintil Forsa Defesa Timor Leste  halo hela servisu enkordenada hosi halao operasaun 24 oras hodi asegura seguransa nasional hodi garantia estabilidade rai laran. Luciana Ximenes

Facebook Comments

Leave a Reply

Your email address will not be published. Required fields are marked *