Kombate Mal Nutrisaun Iha Rai Laran, MAP Tenke Garantia Produsaun

Kombate Mal Nutrisaun Iha Rai Laran, MAP Tenke Garantia Produsaun

- in Economics
591
0
Agrukultur

DILI – Atu kombate mal nutrisaun iha sosidade nia let maka, Ministeriu relevante tenke iha lina kordenasaun, no Ministeriu Agrikultura tenke garantia aihan lokal iha merkadu rai laran, no oinsa atu koopera hamotuk ho povu agrikultura sira iha baze, hodi garante produsaun iha rai laran.

Preokupasaun nee hatoo husi Prezidente Komisaun F, neebe trata asuntu Saude, Edukasaun, Kultura no Veteranus, Virgilio da Costa Hornai liu husi sesaun Plenaria, Tersa (22/11/2016) iha PN.

Hau hanoin atu kombate Mal nutrisaun iha rai laran maka, Governu tenke fanu konsensia Politika Ida oinsa atu hapara imporatasaun husi rai liur no promove ita nia produtu iha rai laran, tanba ita koalia konaba kombate mal nutrisaun iha rai laran maka Ida nee interligadu ho Ministeriu relevante sira, tanba nee Agrikultura tenke garante produsaun iha rai laran, no Ministeriu Solidaridade  sosial tenke halo akonpaniamentu ba familia Vuneravel sira, oinsa bele fo konsisaun neebe diak atu nunee familia sira nee bele hatan aihan neebe maka iha nutrisaun diak ba sira nia saude,” dehan Virgilio.

Nia mos informa liu tan katak, Ministeriu Saude mos tenke hatoo informasaun ba Inan sira oinsa atu prepara aihan neebe nutrisaun diak ba oan sira, karik Ministeriu relevante sira la halo esforsu antes, maka aban bain rua mal nutrisaun kontinua afeita ba oan sira nia saude.

Iha fatin hanesan Deputada Ilda Maria da Conceção mos hatutan, planu estratejiku  dezenvolvimentu Nasional hateten, sei hamenus mal nutrisaun iha rai laran, maibe realidade hatudu katak mal nutrisaun kontinua aas iha rai laran. Informasaun kompletu iha STL Jornal no STL Web, edisaun Kuarta (23/11/2016). Madalena Horta

 

Komentariu

Facebook Comments

Leave a Reply

Your email address will not be published. Required fields are marked *