Komandu Munisipiu Responsabel Ba OPS

Komandu Munisipiu Responsabel Ba OPS

- in Distritu
655
0
KOmisariu Julio

DILI – Preokupasaun komunidade balun ba kolokasaun Ofisial Polisia Suku (OPS) liliu suku foun sanulu, laos responsavel husi komandu jeral maibe husi komandu PNTL munispiu nian.

Deklarasaun nee fo sai husi Komandante Jeral PNTL, Julio Hornay ba jornalista sira hafoin remata enkontru ho Prezidente Republika Francisco Guterres iha Palasiu Prezidensial Bairo Pite, Sexta (07/09/2017).

Tuir Komadante Jeral PNTL Komisariu Julio da Costa Hornay katak ba membru OPS hirak neebe maka atu koloka iha suku, responsablidade ba kolokasaun nee husi parte komandu PNTL munsipiu sira.

Ita nia suku foun agora dadaun nee iha suku sanulu husi parte autoridade sira preokupa tanba seidauk iha kolokasaun Oficial Polisia Suku (OPS) iha sira nian suku ba kestaun nee resposanvel husi komandu PNTL munsipiu sira,” dehan Komjer.

Komandante jeral PNTL nee husu ba autoridade suku la bele preokupa ba asuntu nee. Tanba nee responsabel husi komadu PNTL munisipiu hodi halo kolokasaun ba iha suku suku neebee maka  seidauk iha OPS.

Iha sorin seluk Xefe Suku Comoro Eurico da Costa hateten prezensa Ofisial polisia suku iha komunidade nee importante tebes, tanba sei hamutuk ho autoridade local suku atu halo prevensaun no intervesaun ba krime hirak neebe akontese sosiedade nia leet.

Komunidade sira no ita hotu Presiza OPS nian prezensa tamba bele halo intervensaun imediatu ba problema sira neebe maka mosu iha Bairu Bairu,”dehan nia.

Lider komunitaria suku Comoro nee akresenta durante OPS nian presensa iha suku halo duni serbisu neebe mak diak atu bele prevene konflitu kiik oan sira iha suku too iha bairu.

Entretantu Xefe Suku Fatuhada Marcelino Soares katak serbisu OPS nian iha suku diak tebes no hatudu pontu positvu tanba kona ba kestaun prevensaun kontlitus iha sosiedade nia leet.

Ita hare kuandu iha problema balun neebe maka akontese iha suku ka aldeia sira xefe suku no OPS maka sei besik liu ba komunidade nunee bele resolve problema neebe maka afeta ba komunidade kauza husi grupu ka joven sira neebe maka halo poblema,” dehan Marcelino.

Tamba nee kolokasaun OPS nee mos parte ida importante iha komunidade atu halo interensaun no atu resolve ba problema sira nee maka soiadade sira infreta. Natalino Costa

Facebook Comments

Leave a Reply

Your email address will not be published. Required fields are marked *