Koligasaun Sei Lagarante Governativa, Labele Viola NIK

Koligasaun Sei Lagarante Governativa, Labele Viola NIK

- in Nasional
768
0
1604382_1033057823486533_1559829927161377424_n

DILI—Koligasaun entre partidu mais votadus simples Fretilin, Partidu Demokratiku (PD) no Partidu Khunto sei la garante governativa no sei defende programa no orsamentu jeral estadu iha parlamentu.

Lia fuan hirak nee hato husi Adjuntu Diretor Ezikutivu Fundasaun Mahein (FM) Joao Almeida ba STL iha nia knar fatin Fomentu Komoro Dili Kinta, (7/9/2017). Nia hatuir tan katak dinamika politika neebe akontese dadaun nee sei sai risku ba debate orsamentu estadu iha parlamentu nasional.

Tantu iha meza PN nia rezimentu katak Prezidente Parlamentu Nasional laos mai husi koligasaun. Maibe, bele mos mai husi partidu sira seluk neebe sai membrus ba koligasaun refere. No, tuir nia katak sei la implika ba postura governu nian iha formasaun governu. Maibe membrus deputadu sira fo fiar ba ema neebe atu bele lidera Parlamentu Nasional.

Tamba nee maka rezimentu Parlamentu lahateten dehan katak PPN tenki mai husi partidu koligasaun, bele mai husi partidu seluk. Formasaun governu nia liu husi kioligasaun nee sei garante governativa no sei defende politika programa no orsamentu governu,”dehan nia.

Diretor Ezikutivu HAK Manuel Monteiro Fernandes dehan mosu diferensia ideias entre partidu koligasaun sira diak ida nee maka demokrasia maibe dezisaun ikus maka husu atu labele viola nota Intendementu Koligasaun (NIK). Liu husi debates no diskusaun maka bele prense nia objetivu diak.

Mais kuandu mosu output maka sei implika ba povu no nasaun ida nee. Povu sei iha esperansa nafatin ba governu foun neebe mai sei fo benefisiu diak ba povu ida nee ba future oin mai. Tamba nee husu atu labele vota favor deit ida nee bele iha implikasaun ezikusaun neebe sei latuir dalan.

Diferensa ideas nee buat diak ida mos. Ita demokrasia nee diak maibe dezisaun ikus maka labele viola fali nota intendementu neebe partidu koligasaun Fretilin, PD no Khunto. Diskusaun no debates tenki lao hodi bele prense sira neebe hili dalan opozisaun. Vota favor deit la diak tamba kuandu ezekusaun la tuir dalan bele fo implikasaun ba output neebe atu produs bele implika ba povu nia moris,”nia kualia.

Retor Institute Of Bisniss (IOB) Augusto da Conceicao Soares dehan sinal ladiak mosu ona iha partidu koligasaun entre partidu Fretilin, PD no Khunto. Kuandu akordu neebe iha partidu koligasaun sira nee forte maka sei garantia orsamentu jeral do estadu mai, mais kaundu ida nee la akontese maka governu ladura.

“Nee hatudu sinal ladiak ba koligasaun bele ladura karik. Hau husu ba koligasaun oinsa iha akordu neebe forte iha koligasaun atu garantia governu to nia mandatu remata. Tau lapasa orsamentu entaun governu ladura,”nia reforta tan. Justinho Manuel

 

Facebook Comments

Leave a Reply

Your email address will not be published. Required fields are marked *