Koligasaun Foun, Hein Desizaun PR

Koligasaun Foun, Hein Desizaun PR

- in Notisias Online, Politics
251
0
download (4)

Editora: Carme Ximenes

DILI – Situasaun politika ohin loron depende ba Prezidente Republika, atu deside koligasaun foun forma governu da-9 no karta demisaun Primeiru Ministru Taur Matan Ruak nian, hein deit desizaun PR.

Hatete Prezidente Parlamentu Nasional Arão Noe ba jornalista sira, bainhira halao limpeza Jeral iha Eskola Bazika Filial Nularan, ka SD Xina Bairru Farmosa, Dili, Kuarta (18/03/2020).

Nia dehan, asuntu ida nee kompetensia Prezidente Republika nian, tanba nee nia lakohi fo komentariu, ba orgaun seluk nia kompetensia, neebe hein deit desizaun husi PR.

Ita hotu hein desizaun PR, atu foti desizaun ba situasaun politika nee, ita haree katak desizaun nee agora lao iha tempu nee nia laran, atu para hasai ona desizaun ba kestaun sira nee, hatete Arão.

Nia informa tan katak, desizaun hotu iha ona, bazeia ba pedidu husi reuniaun lider nasionais sira nian, Prezidente Republika fo sai ba partidu sira iha Parlamentu Nasional atu kontaktu malu, kria ona koligasaun foun no aprezenta ona ba iha PR.

Nunee Primeiru Ministru mos hola ona inisiativa ba sitasaun nee hodi aprezenta ona karta pedidu demisaun, tuir konstituisaun iha artigu 112 nian, neebe kompetensia hotu hein deit PR.

Mezmu PN mak hahoris governu, nudar Parlamentu Nasional  preokupa, maibe situasaun mak lao hanesan nee, neebe ita hein deit, PPN Nee akresenta.

Iha parte seluk Deputadu PD Adriano do Nascimento hatete, kona ba koligasaun foun nee, nia lakohi  komentatriu, tanba ida nee kompetensia Sekretariu Jeral ho Prezidente Partidu mak externalmanete toma konta ba asuntu nee, neebe nia laiha komentariu, dehan deputadu Adriano.

Entretantu Portavos koligasaun foun Antonio da Conceicão Kalohan antes nee hatete sira nafatin hein hela, atu PR tenke ser iha pronunsiamentu ida ba prosesu tomak neebe lao tiha ona.

PR tenke pronunsia, labele buat hotu rai nonok deit, hodi hein fali katak keta iha omongan malaikyat nian karik nee labele. Iha nasaun nee PR mak tenke iha garante estabilidade, tenke pronunsia para depois mak ami foin hanoin dehan katak sim buat nee laloos, tenke koopera ba buat ruma. Maibe fora de ida nee laiha pronunsia ida klaru husi PR PD sei lahalo, tanba nee atu dehan katak PD sekali maju tetap maju, hatete Kalohan.

Reportajen : Guilhermina Franco / Jeniche da Costa

Komentariu

Facebook Comments

Leave a Reply

Your email address will not be published. Required fields are marked *