Koligasaun Diak, Lori Povu Ba Moris Diak

Koligasaun Diak, Lori Povu Ba Moris Diak

- in Politics
440
0
Kalohan-CCF

DILI – Koligasaun husi partidu Fretilin, PD no Khunto sai determinate ba povu Timor Leste hodi hetan moris diak ba tinan 5 nia laran. Tanba nee, presiza serbisu hamutuk atu hili ema neebe mak konpetente duni hodi kaer pasta oi-oin iha governu nia laran.

Hau hakarak husu ba partidu Fretilin neebe maka iha ona serteza atu forma koligasaun ho partidu PD no Khunto tuur hamutuk atu fo liman ba malu serbisu hamutuk ho diak atu nunee bele lori nasaun no povu ba moris diak” katak Xefi Aldeia Soru Mutu ba Dame Gina D.G. Fatima ba STL, iha suku Kuluhun Kinta (07/09/2017).

Nia mos husu ba governu foun atu tau matan no tau atensaun nafatin ba komunidade neebe maka oras nee dadaun hakilar hela ba bee mos, Estrada, eletrisidade, atu nunee sira mos bele hetan dezenvolvimentu ba rai doben ida nee.Tanba nee, hili ema neebe mak kompetente duni iha menbru governu bele aselera vida povu.

Iha fatin hanesan Paulino Soares Lopes nuudar komunidade Suku kuluhun hateten husu ba partidu Fretilin, PD no Khunto neebe mak halo koligasaun hodi forma governu presiza hare ba nesesidade baziku povu nian. Tanba povu hakarak mak bee-mos Estrada no eletrisidade no laos husu osan.

 Lia menon ba governu foun liu-liu partidu Fretilin neebe maka nain ba governo neebe maka oras nee halo hela koligasaun ho partidu PD, Khunto tuur hamutuk atu nunee bele rejolve komunidade sira neebe maka too oras nee sei hakilar hela ba bee mos Estrada no seluk tan ida nee maka hau nian lia menon ba governo sira” tenik Paulino.

Xefi Suku Kuluhun Dues Dado Martins hatutan Ita nian komunidade sira hakarak harii lalais ona formasaun atu nunee bele hatur governo lolos tanba ita hare too oras nee seidauk forma governo, kuantu la forma lais governo ida nee fo impakto ba ita nian komunidade sira atu nunee bele hodi halo dezenvolvimentu iha rai laran.

Xefi hatutan husu ba governo neebe maka tuur hela iha parlamentu nasional neebe maka halo hela koligasaun tuur hamutuk nafatin no koalia diak ba malu atu nunee bele lori ita nian rai nee bele lao ba oin

 “Husu mos ba ita nian governo sira neebe maka oras ne dadaun tuur hela iha parlamentu halo hela koligasaun tuur hamutuk koalia diak ba malu no hakuak ba malu ba atu nunee bele lori ita nian rain nee bele lao ba oin, tanba nasaun nee laos ba sira deit maibe ba ita hotu nian, tanba nee tuur hamutuk buka solusaun ho diak dignu atu nunee bele lori ita nasaun ba oin nee ho diak liu tan” katak Xefi Suku Kuluhun. Emerenciana Pinto

Facebook Comments

Leave a Reply

Your email address will not be published. Required fields are marked *