Koko Naok, Francisco Hatan Tribunal

Koko Naok, Francisco Hatan Tribunal

- in Krime
637
0
Tribunal

DILI-Arguidu Francisco da Silva Barros tenke mai hatan iha tribunal, tanba komete krime 2 Danu Simples no furtu agravadu.

Tuir akuzasaun Ministeriu Publiku nian katak, iha loron 17 fulan Setembru 2010 haleu tuku 23.00 kalan, iha Bairo-pite arguidu Francisco da Silva ba selok savi odamatan lezadu Vicente Antonio Lopes nia uma hodi tama ba uma laran, lezadu nia oan feto haree hodi hakilar dehan naokten tama uma, ho nunee lezadu rona no hader mai kaer arguidu iha odamatan atu sai ba liur.

Lezadu ravista hotu arguidu nia bolsu hodi hetan sasan sira neebe arguidu naok hanesan, arloju liman 1, kadeli no bringkus mean. Iha momentu neeba tanba ho oras kalan lezadu mos lori kedas arguidu ba iha polisia, no iha loron 18 fulan Setembru 2010 arguidu entrega fali sasan neebe nia naok nee ba lezadu, dehan prokurador Gostavo iha TDD, Mandarin, Kuarta (21/09).

Hatan ba akuzasaun nee arguidu komfesa katak loos duni iha momentu neena nia ba tama lezadu nia uma ho razaun nia lanu hela. Sasan sira neebe mak nis foti, nia entrega hikas fali ona ba lezadu.

Iha fatin hanesan lezadu Vicente Antonio Lopes dehan, nudar ema humanu nia labele bosok no nia deklara katak sasan neebe arguidu naok iha akuzasaun MP nian dehan osan mean maibe nee laloos, sasan sira nee fantajia neebe ho valor osan dolar 10. Lezadu mos fo ona perdua ba arguidu, tanba tuir informasaun neebe lezadu hatene katak iha momentu neeba arguidu hetan hela susar tanba nia tiu ho tia mate. No loos duni arguidu momentu neeba tama lezadu nia uma ho kondisaun lanu. Nunee mak halo lezadu dada hikas fali kazu nee. Informasaun kompletu iha STL Jornal no STL Web, edisaun Kinta (22/9/2016). Gracilda Oliveira

Komentariu

Facebook Comments

Leave a Reply

Your email address will not be published. Required fields are marked *