Koko Maturidade Lider

Koko Maturidade Lider

- in Politics
142
0
images

Editora: Carme Ximenes

DILI-Bainhira  Prezidente Partidu CNRT, Kay Rala Xanana Gusmão lapartisipa iha dialogu, nee hanesan parte ida hodi koko maturidade lider sira seluk, para solusiona problema iha rai laran.

Kestaun nee hatoo husi Xefe Bankada PD, Antonio da Conceicão ba jornalista sira, iha Parlamentu Nasional (PN), Dili, Tersa (11/02/2020).

Xanana Gusmão lapartisipa dialogu, nee menguji kematangan, kedewasaan, ou koko maturidade lider sira seluk nian, atu labele depende deit ba figura  ida,”hatete Antonio .

Deputadu nee dehan, kuandu ema hotu dehan katak ida nee figura neebe mak diluar sistema, maibe depois dehan nia mak fukun ba problema nee iha neebe.

Nia hatete, fukun agora nee se mak kaer, ou iha se nia liman, agora dadaun nee PR mak se, no mos PM mak se, i PPN mak se.

Ba XG iha partidu sim, maibe ba nia aujensia XG, nee bele haree pozitivu kuandu nia hakarak atu husik ona oinsa mak lider sira seluk bele hola mos desizaun ba rai ida nee, tenik Antonio

Deputadu Antonio konta, tanba sira aprende husi ida, nee mak sira respeitu XG nafatin, hodi tenta lao mesak, labele tuir bei-beik Xanan Gusmão.

Tanba tuir nia, ba impase agora, solusaun sempre iha, laiha prolema ida mak laiha solusaun, atu dehan katak moras ida karik sei bele kura, mate nee ikus, moras mak mate no diak mak mate nee sempre mate, maibe agora sei dalan atu bele kura.

Nia esplika, PD atu dehan katak solusaun neebe merese mak tenke iha forma governu foun, ba Eleisaun Antisipada PD preparadu, bele osan laiha mos militansia iha nafatin, maibe PD lahusu EA. Tanba sira hakarak atu governu fo netik esperansa, lasignifika katak atu ba halo povu nia uma ka atu lori hahan ba fo sira iha uma, maibe fo esperensa ba povu sira katak nasaun lao hakmatek.

Iha fatin hanesan Deputada husi Bankada CNRT Bendita Magno hatete, impase agora dadaun presiza  haree ba oin, labele lori kotuk mai tau ba oin, saida mak ohin loron povu sente fila ba  deputadu/a sira neebe tuur iha PN, tanba tuur iha PN lori povu nia matan tilun ibun.

Relasiona ho ida nee mos PR hatoo ba PN atu buka solusaun se iha PN sei simu malu nafatin deit bainhira mak atu lori povu sai husi mukit no kiak, deputada nee hatete.

Nunee mos Deputadu husi Bankada KHUNTO Antonio Verdial hatete, kona ba impase politika oras nee seidauk hetan solusaun, sira entrega tomak ba Konselleiru superior partidu KHUNTO Jose dos Santos Naimori Bukar, tanba nee partidu KHUNTO liu husi deputadu nain 5 iha PN hili dalan viabel mak No Comment.

Nia afirma, No Comment nee lasignifika katak laakompana situasaun agora, maibe sira agradese ba PR nudar aman nasaun i simbolu unidade nasional neebe halo ona esforsu ho liafuan 3 katak, primeiru hahu husi dia 20 Fevereiru 2020 PR asume tomak situasaun neebe mosu iha PN, segundu, nudar  aman unidade nasional promove dialogu neebe realiza ona, ho nunee KHUNTO kongratula.

Terseiru, konvida mos lider istoriku sira mezmu lamparka prezensa husi Xanana, maibe asuntu importante mak PR dekreta katak EA ultima rekursu.

Nia mos husu ba parpol iha PN atu halao movimentasaun kerdizer ke ita tenke kontaktu ba malu, signifika politika halo iha uma PN, tanba nee ita lalikan kestiona malu maibe oinsa buka fo liman ba malu atu bele ajuda lideransa instrumentu politiku hodi rezolve impase, hatete Verdial.

 Laos nee deit maibe PR mos dekreta katak, PM agora nafatin PM ba VIII governu too hetan solusaun ba impase nee. Neebe husu ba maluk deputadu sira hotu iha PN lalikan hasai linguajem neebe ladiak, maibe hamutuk fo liman ba malu rezolve impase.

Nia mos haktuir katak, iha esplikasaun neebe maun boot Xanana haklaken ba impase politika iha rai laran, nunee mos fo hanoin katak interese soberania imporante, duke halo estetimentu tun sae lahamosu desizaun desezivu ba diak povu TL nian. Reportajen : Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *