KM Deside Faustino-Mateus Lidera PNTL

KM Deside Faustino-Mateus Lidera PNTL

- in Nasional
161
0
Agio Pereira

DILI-Reniaun Konsellu Ministru iha Palasiu Governu, neebe mak preside direita husi Primeiru Ministru Taur Matan Ruak deside ou nomea ona Kandidatu  Komisariu  Faustino da Costa hanesan Komandante Jeral PNTL, no Superentidente Xefe Mateus Fernandes hanesan Segundu Komandante Jeral PNTL hodi troka Komandante Jeral PNTL Komisariu Julio Hornay.

Kestaun nee hato husi Ministru do Konsellu de Ministru Hermenegildo Agio Pereira, ba jornalista sira hafoin remata reniaun Konsellu Ministru, iha Palasiu Governu Kuarta (13/03/2019).

Ministru Hermenegildo Agio Pereira hatete, Ministru Defesa e Ministru Interior Interinu Filomeno Paixao de Jesus, aprezenta proposta rezolusaun Governu, neebe mak aprova hosi Konsellu Ministru, konaba nomeasaun Faustino da Costa hanesan Komandante Jeral no Mateus Fernandes hanesan Segundu Komandante Jeral daruak ba polisia Nasional Timor leste ( PNTL), iha komisaun servisu ba periodu tinan haat nia laran.

Konsellu Ministru simu mos proposta hosi Ministru Defesa no Ministru Interior Interinu ba Komandante Jeral PNTL  foun, no Segundu Komandante Jeral PNTL foun, neebe ba Komandante Jeral foun Komisariu Faustino da Costa, no ba Segundu Komandante Jeral PNTL mak Superentidente Xefe Mateus Fernandes, nee hanesan lideransa iha ita nia PNTL nian ba tinan haat oin mai ,” dehan Ministru Agio.

Iha biban nee mos Ministru Agio hatete, Konsellu Ministru halao sorumutu iha Palasiu Governu, hodi analiza aprezentasaun relatoriu hosi Komisaun Reforma Fisikal (CRF), neebe mak aprezenta hosi Fernanda Borges, hanesan Koordenador Komisaun. CRF neebe mak kria iha VI Governu Konstitusional ho objetivu atu garante future nasaun Timor Leste nian liu hosi difersifikasaun fontes sira, no asegura sustentabilidade hosi finansas publik.

Durante aprezentasaun Fernanda Borges esplika mos entesendentes hosi CRF, halo balansu atividade neebe realize tiha ona desde fulan agostu tinan 2015, no aprezenta nia prioridade no rekomendasaun ba future hosi komisaun rasik, Koordenador entrega relatoriu nee ba Governu iha nia final mandate, no agora Ministeiru Finasas analiza sujestaun no rekomendasaun sira. Notisia kompletu lee iha jornal STL edisaun Kinta (14/02/2019). Carme Ximenes

Komentariu

Facebook Comments

Leave a Reply

Your email address will not be published. Required fields are marked *