KM Aprova Proposta Kriasaun Komisaun Interministerial

KM Aprova Proposta Kriasaun Komisaun Interministerial

- in Nasional
82
0
Palasiu

DILI-Reniaun Konsellu Neebe halao iha Palasiu Governu, no Preside direita husi Primeiru Ministru Taur Matan Ruak, nee aprova ona proposta rezolusaun governu konaba kriasaun komisaun interministerial ba reforma fisikal no jestaun finansas publika.

Kestaun nee hato husi Ministru du Konsellu de Ministru Hermenigildo Agio Pereira,  ba jornalista sira hafoin remata reniaun Konsellu Ministru, iha Palasiu Governu, Dili, Kuarta (27/03/2019).

Ministru Agio hatete, Ministra Finansas ein ezersisiu Sara Lobo Brites aprezenta propota rezolusaun governu neebe mak aprova hosi Konsellu Ministru, konaba kriasaun komisaun interministerial ba reforma fisikal no jestaun finansas publika.

Proposta estabelese komisaun interministerial ba reforma fisikal no jestaun finansas publika, nee halo tiha ona aprezentasaun, ohin Ministra Finansas aprezenta proposta kongreta hodi hetan aprovasaun husi Konsellu Ministru ,” dehan Ministru Agio.

Nia dehan, Kriasaun ba komisaun interministerial ida nee fo dalan atu halo promesa politika foun ba programa reforma fisikal no jestaun finansas publika, neebe mak hahu iha VI governu konstitusional.

Reforsa papel no envolvimentu hosi membru governu ho responsabilidade ho dominiu nee, ho objetivu to tinan 2023, sei elabora parte signifikativa hosi lejislasaun neebe presiza iha material nee.

Sentidu ida nee governu reafirma fila fali kompremisiu neebe asumi iha programa hosi nee rasik, ho forma komprensiva, iha area finansa publika, ho hare ida katak bele aumenta reseitas estadu, fortalese, no promove sustentabilidade, kualidade, tranparensia no responsabilidade iha politika fisikal, no iha jestaun finanseira.

Iha fatin hanesan Ministra Finansas Interina Sara Lobo Brites hatete , Resolusaun ida nee iha uluk kedan governu anterior para atu Ministru sira sai membru reniun, aprova politika planu ba reformas, agora Ministeiru Finansas aprezenta fila fali para reativa fila fali diskusaun nee, reforma laos ba fisikal deit, maibe reforma mos ba jestaun finansas publika. Notisia kompletu lee iha jornal STL edisaun Kinta  (27/03/2019). Carme Ximenes

Komentariu

Facebook Comments

Leave a Reply

Your email address will not be published. Required fields are marked *