KM Aprova Estatutu AM

KM Aprova Estatutu AM

- in Nasional, Politics
281
0
download (2)

Editor: Godinho Barros

DILI— Governu liu husi Konsellu Ministru (KM) aprova alterasaun daruak husi dekretu lei numeru 3/2006, loron 16 fulan Marsu kona ba estrutura Administrasaun Munisipiu (AM).

Tuir Ministru Interinu Estadu Administrasaun Estatal, (MAE) Abilio Jose Caetano, enkontru konsellu ministru aprova dekretu lei daruak ba estrutura administrasaun Munisipiu no mos aprova dekretu governu  rua relasiona ho  prosesu Desentralizasaun Administrativa.

Alterasaun ida atu governu haree oinsa ita atu estabelese estratura naton iha munisipiu sira tantu estatuta ida neebe bele fo atendementu ba ita nia komunidade no populasaun, aumesmu tempu hakbesik governasaun ba kraik, dehan Caetano ba Jornalista iha Palasiu Governu, Kuarta (12/02/2020)

Nia dehan, estrutura lei nee depois halo alterasaun ba dekretu lei 3/2006 sei implementa hanesan estrutura ida atu prepara bainhira estabelese ona poder lokal tuir konstuituisaun artigu 72.

Iha okaziaun nee Konsellu Ministru mos aprova proposta dekretu lei sobre portal munisipal neebe ajuda orsamentu husi Uniaun Europeia liu husi UNDP atu funsiona portal munisipal iha munisipiu hotu hotu.

Enkuantu portal munisipal  hanesan  transparasnia  kona ba saida mak akontese iha munisipiu neebe mak sei  hahu  profile munisipiu no  dadus estatistiku sobre munisipiu  inklui os mos prosesu aprovizioamentu no mos rekrutamentu ba vaga neebe  tenke tau iha postal nunee ema  hotu bele asesu.

Enkuantu funsionamentu tuir Caitano presiza legaliza dekretu lei maibe desizaun ba dekretu lei ida nee konsellu ministru konsidera la liu husi dekretu lei maibe presiza dekretu de governu   nunee sei asina husi ezekutivu sira.

Nia hatutan preparasaun estrutura  nee prinse rekursu umanu neebe kapasitadu hodi hein, bainhira poder lokal nee iha atu servius ho prezidente munisipiu neebe eleitu.

Tuir obrsevasaun katak, liu husi enkontru konsellu ministu nee proposta dekretu leis numeru 3/2006 nee pasa alterasaun neebe husi membru governu daualu. Rep: Luciana Ximenes / ESTI 01

 

Komentariu

Facebook Comments

Leave a Reply

Your email address will not be published. Required fields are marked *