KM Aprova Dekretu Lei 3

KM Aprova Dekretu Lei 3

- in Politics
137
0
ba813ccea29b022d9bf5e00cb3b5ada2_XL

DILI-Governu liu husi enkontru Konsellu Ministru (KM), aprova dekretu lei tolu  neebe aprezenta husi ministeriu Justisa.

Tuir Ministru Estadu Prezidensia Konsellu Ministru, Agio  Pereira,  Konsellu Ministru simu proposta tolu, husi Ministru Justisa ba  atividade formasaun juridika no judisiariu, estrutura organika rejime sentru formasaun juridika no judisiariu, atualizasaun kuadru pesoal Ministeriu publiku  neebe aprovadu hodi bele  implementa iha Ministeriu Justisa.

Ministru Manuel da Costa Carceres, lori dekretu lei tolu nee  hanesan lei estrutura Organika no Rejime foun ba atividade  Sentru Formasaun Juridika no Judisial (SFJJ) no atualizasaun kuadro Pesoal iha minsteriu Publiku, dehan Agio ba Jornalista sira iha Palasiu Governu Kuarta, (20/11/2019).

Nia informa diploma nona ba CFJJ nee atu  re-organiza fila fali estrutura liu husi  diploma hirarkia neebe aas hodi bele  reforsa identidade instituisaun ho kualidade aas iha formasaun juridika judisiaria atu  fo kondisaun organika neebe diak no  adekuada, kumprimentu importante ba misaun.

Enkuantu atualizasaun kuadru pesoal iha Ministeriu Publiku. dekretu governu atu kria kondisaun hodi regula dezenvolvimentu iha kareira majistratura Ministeriu Publiku, hodi haluan vaga servisu ho karreira neebe kumprimentu husi ezijensia legalmente estabelesidu, ho objetivu neebe tau ona iha programa VIII Governu Konstitusional, no mos hanesan konsolidasaun iha setor justisa ba  rekursu umanu atu kompetente, independente profisional.

Alende ida nee Konsellu Ministru mos aprova proposta Dekretu-Lei neebe aprezenta husi Ministru Defeza, Filomeno Paixão de Jesus,  kona ba estatutu  Militar iha misaun da pas no umanitaria iha estranjeiru neebe aprovadu.Luciana Ximenes

Komentariu

Facebook Comments

Leave a Reply

Your email address will not be published. Required fields are marked *